Hăm hơnăn “gơih ăn dôm jơhnơr tơ̆ hơnăp kơnh vă tơroi găh apŭng plĕnh teh mă buăl hơmĕng đe sư gơh pơtăl dơ̆ng”, tơdrong pơlong hlôi sơng đei tơdrong vang akŏm đơ̆ng 1,5 triệu hŏk tro lơ̆m jơ̆p tơring kơ teh đak bơ̆n vang pơlong. Sơnăm ‘nâu, hơnăn ‘măng pơlong chih kơthơ apŭng plĕnh teh UPU tơklep tơbăt 150 sơnăm pơjing Jơnŭm Bưu chính Apŭng plĕnh teh. ‘Măng pơlong đei hơnăn: “ Lơ̆m tơdrong jang 150 sơnăm âu ki, Jơnŭm Bưu chính Apŭng plĕnh teh hlôi pơvih pơvăn ăn kơ hloh 8 jơhnơr kon pơlei jơ̆p plei teh.

Đơ̆ng noh truh dang ei, apŭng plĕnh teh hlôi đei lơ tơplih. Athei chih kơthơ gơih ăn kơ rim jơhnơr tơ̆ hơnăp kơnh mă buăl hơmĕng đe sư gơh pơtăl dơ̆ng”. Yak hloh 1,5 triệu ƀai chih, hla ar kơ thơ tơroi găh hơioh ưh kơ đei tơdrong ‘mêm đơ̆ng hŏk tro drŏ nglo Nguyễn Đỗ Quang Minh hlôi iŏk đei jơnei mă Mônh teh đak ‘Măng pơlong Chih kơthơ apŭng plĕnh teh UPU ‘măng mă 53 sơnăm 2024.