Kiơ̆ kơ ‘noh, iŏk đơ̆ng khei 1/2025 truh đĭ sơnăm 2027, Việt Nam gô vang iung jang tơ iung pơjing păng tơlĕch jang rim trong pơchoh trong jang tih kơ UN Women, sơđơ̆ng ăn rim tơdrong jang kăl păng tơdrong bơ̆ jang kơ kơdih jang au ‘lơ̆ng hơ iă trŏ lăp hăm rim trong tơlĕch jang păng trong bơ̆ jang kơ Liên hợp quốc găh pơtrŭt kơtang hơtŏ hơnơ̆ng dro nglo drŏ kăn păng pơjao hơnăp jang ăn drŏ kăn.

Jĭ teh đak vang jang lơ̆m Khul chĕp pơgơ̆r, Việt Nam gô vang jang lơ̆m kĭ tơchơ̆t rim trong pơprŏ jang, tơdrong jang adoi nhen rim tơdrong tơchơ̆t găh bơ̆ jang, jên hu păng kon jên bơ̆ jang kơ UN Women. Tơdrong đĭ đăng teh đak vang jang lơ̆m ECOSOC drơ̆ng nơ̆r pôk tơmơ̆t Việt Nam lơ̆m Khul chĕp pơgơ̆r UN Women tơbăt hơdăh lăp đon păng hôn bơnê kơtang đơ̆ng apŭng plĕnh teh hăm rim trong jang, tơdrong iŏk đei jơnei găh pơtrŭt kơtang hơtŏ hơnơ̆ng drŏ nglo drŏ kăn păng hơdrin jang hơdoi apŭng plĕnh teh kơ Việt Nam lơ̆m tơdrong jang au, adoi lui akhan Việt Nam gô tơgop kơtang lơ̆m bơ̆ jang chĕp pơgơ̆r kơ UN Women lơ̆m khei năr au kơnh.