Việt Nam –Lào drơ̆ng nơ̆r jang hơdai kơ jăp tơ̆ dôm hop akŏm lơ pang
Thứ tư, 08:59, 12/07/2023
VOV/Thuem tơblơ̆
VOV/Thuem tơblơ̆
VOV4.Bahnar- Pơgê 11/7/2023, tơ̆ Gia-các-ta, Indonesia, Kơdră tơm jang tơbôl Bùi Thanh Sơn hlôi tơƀơ̆p hơ drô̆ Phŏ Thủ tướng, Kơdră tơm jang tơbôl Lào Saleumxay Kommasith ƀlep ƀơ̆t ‘măng vang hop akŏm Kơdră tơm jang tơbôl ASEAN ‘măng mă 56 (AMM-56).
2 Kơdră tơm lăng ‘lơ̆ng jang hơdai đơ̆ng 2 Anih tơm jang tơbôl Việt Nam păng Lào; tơƀôh jơ hngơ̆m đon lăp hăm pơ tôch tơpă đơ̆ng Hơlen lăng chĭnh trĭ tơ̆ Phŏ kơdră jang tơbôl ‘măng mă 8 (Lào, khei 6/2023); pơma hơdăh gô jang hơdai pơtrŭt păng tơlĕch jang đei yua dôm tơdrong jang hơdai, mă loi ‘noh jĭ jang tơbôl mŭk drăm lơ̆m khei ‘năr tơdrong mŭk drăm tơring păng apŭng plĕnh teh đei lơ tơplih.
Ƀar păh drơ̆ng nơ̆r gô jang hơdai kơ jăp, tơgŭm băl tơ̆ dôm hop akŏm lơ pang, mă loi ‘noh jĭ lơ̆m ASEAN păng dôm trong jang hơdai tơring Mê Công…
Viết bình luận