‘Nau jĭ ‘măng pơma dơnuh kơdră kơpal jang tơbôl ‘măng mă blŭng ƀar păh Việt Nam păng Mi jô̆ đơ̆ng mă ƀar teh đak pơjing dơ̆ng tơgoăt tơgoăl Jang hơdoi tôm tong. Kơdră jang tơbôl Bùi Thanh Sơn sơkơ̆t hơdăh, Mi ‘noh teh đak jang hơdoi gĭt kăl hloh kơ Việt Nam, sơkơ̆t hơdăh Việt Nam gô hơnơ̆ng atŭm hăm Mi tơlĕch jang kiơ̆ tơgoăt tơgoăl Jang hơdoi tôm tong roi năr roi jơnei, tơpă, sơđơ̆ng.

Ƀar ‘nu Kơdră jang tơbôl jei pơma dơnuh găh rim trong jang vă pơm kơtang hloh dơ̆ng tơdrong tơgoăt tơgoăl kơ ƀar teh đak. Ƀar ‘nu Kơdră jang tơbôl drơ̆ng mĭnh nơ̆r găh tơdrong atŏk kơtang tơdrong jang Pơma dơnuh Kơdră kơpal jang tơbôl vă atŏk kơtang tơdrong jang hơdoi kơjăp hloh dơ̆ng ƀar păh ƀar Hơnih tơm jang hơdoi lơ̆m tơlĕch jang kiơ̆ rim tơdrong drơ̆ng mĭnh nơ̆r kơdră kơpal; jang kiơ̆ jơnei rim trong jang hơdoi ƀar păh dang ei, lơ̆m au pơma dơnuh găh chinh trĭ-sơđơ̆ng-vei lăng teh đak, pơma dơnuh trong jang vei lăng teh đak, pơma dơnuh găh tơdrong pơm tơm kơdih kon bơngai; drơ̆ng mĭnh nơ̆r iung jang hơdoi pơgơ̆r rim tơdrong jang tơbăt 30 sơnăm ƀar teh đak pơjing tơbôl hiôk hian lơ̆m sơnăm 2025.