Tơdrong akŏm kơyuơ Anih tơm Asong jang – Linh jĭ rơka păng Tơpôl jang hadoi hăm Anih tơm jang Pơgang Hơmet jĭ jăn păng Pơyua ăn tơpôl Nhâ̆t Bản, Kơdră jang tang măt ăn teh đak Nhâ̆t pơm lêh tơbăt 50 sơnăm jang tơbôl Việt Nam- Nhâ̆t.

Jang hadoi gah asong jang Việt Nam păng Nhâ̆t pơtơm đơ̆ng sơnăm 1992, kiơ̆ trong iŏk bơngai Việt Nam năm hŏk hơlen tơ̆ teh đak Nhâ̆t. Truh năr 1/7/2019, Anih tơm Asong jang – Linh jĭ rơka păng Tơpôl Việt Nam, Anih tơm Tư phap, Anih tơm jang Tơbôl, Anih tơm jang Pơgang Hơmet jĭ jăn păng Pơyua ăn tơpôl păng Anih jang Kanh sat kơ teh đak Nhâ̆t hlôi atŭm băl kĭ hla bar Tơbăt jang hadoi gah tơdrong asong jang vă hơtŏk vei vêr bơngai pơm jang, pơm trong hiôk ăn tơdrong pơtruh, iŏk bơngai jang kiơ̆ tơchơ̆t khôi luơ̆t kơ 2 teh đak.