Tơ̆ jơ bơ̆jang, Bơngai tang măt Đặng Hoàng Giang tơƀôh jơhngơ̆m đon pơyom tơdrong pơvei tơbôl joăt joe ‘lơ̆ng hơiă păng roi ‘năr roi đei hơmet ming đơ̆ng 2 teh đak lơ̆m hloh 50 sơnăm âu ki, mă loi ‘noh jĭ ƀrơ̆k kơ jơhngơ̆m tơ̆ hơnăp tơdrong tơgŭm kăp gĭt đơ̆ng Ghana lơ̆m tơdrong iung tơblăh iŏk rơngei hiôk hian đơ̆ng Việt Nam.

Kiơ̆ lơ̆m tơdrong pơvei ‘lơ̆ng hơiă, 2 păh drơ̆ng nơ̆r akhan Việt Nam păng Ghana đei tơmam ‘lơ̆ng tih vă pơih să hloh dơ̆ng tơdrong pơvei jang hơdai 2 pang lơ̆m lơ tơdrong, đei hloi ‘moi kiơ̆ tơdrong pơma dơnuh dôm ‘măng năm ngôi bơ̆jang tơ̆ rim kơdră, pơih să mơdro sa, tơmơ̆t jên jang păng jang hơdai lơ̆m dôm tơdrong jang tơmam ‘lơ̆ng, lơ̆m noh đei ŭnh hơyuh pơm ming, ŭnh hơyuh rơgoh.