Kiơ̆ Ƀô̆ trương jang gah Jên hu Hồ Đức Phớc, Singapore hơnơ̆ng jing teh đak jang hadoi kăp gĭt hloh kơ Việt Nam lơ̆m tôm tơdrong jang. Lơ̆m khei năr tơdrong jang hadoi gah chĭnh trĭ-jang tơbôl hơtŏk ‘lơ̆ng hiơ-iă nhen dang ei, 2 teh đak adoi oei đei lơ tơdrong pran vă hơtŏk jang hadoi kơjăp hloh, lơ̆m noh đei tơdrong jang gah jên hu.

Ƀô̆ trương Hồ Đức Phớc ăn tơbăt, Việt Nam năng truh tơdrong jang yua trăi phĭu jơk păng pơjing jên mong kiơ̆ pơkăp các-bon vă đei jơnei tơchơ̆t tơjur tơdrong tơpăr hơyuh ‘mê̆ oei ah kơsô̆ 0 lơ̆m sơnăm 2050 nhen đei tơchơ̆t tơlĕch ah ‘măng hop akŏm COP-26. Atŭm hăm noh, Ƀô̆ trương hơpơi ‘meh gơh pơtruh bơngai jang truh Singapore hŏk pơhrăm dah mă hơvơn rim bơngai juăt jang kơ teh đak Singapore năm pơtho ăn đe kan ƀô̆ tơ̆ Việt Nam pơhrăm gah trong jang jên hu su kăk păng jên hu kiơ̆ kơmăi kơsô̆.