Tơ̆ jơ tơƀơ̆p, Phŏ Kơdră teh đak lăng ‘lơ̆ng tơdrong jang hơdai, tơgŭm đơ̆ng UNICEF ‘măn ăn kơ Việt Nam vă jê̆ 50 sơnăm âu ki lơ̆m pơjing păng tơlĕch jang dôm trong jang tơgŭm găh vei lăng, pơtho pơhrăm hơioh. Kơdră vei lăng UNICEF pơma hơdăh gô đĭ jơhngơ̆m jang hơdai, tơgŭm Việt Nam hơnơ̆ng hơdrin tơlĕch jang Tơdrong jang teh đak Việt Nam - UNICEF jăl jang 2022-2026 păng vei sơđơ̆ng roi ‘năr roi ‘lơ̆ng hloh dôm tơdrong pơm tơm kơ đe hơioh, mă loi ‘noh jĭ găh pơtho pơhrăm, pơgang, bek ‘lơ̆ng, gơh yua đak rơgoh păng ‘yâu.

2 păh drơ̆ng nơ̆r vang hơdrin pơtrŭt tơdrong pơvei jang hơdai đơ̆ng Việt Nam păng UNICEF vă tơgŭm Việt Nam iŏk đei lơ jơnei hloh dơ̆ng lơ̆m tơdrong jang vei lăng hơioh, kŭm nhen tơgop lơ̆m dôm tơdrong hơdrin jơ̆p plĕnh teh lơ̆m tơdrong jang âu, lăp hăm anih dơ̆ng roi ‘năr roi yak tŏk đơ̆ng Việt Nam.