Tơ̆ jơ sơng, 2 păh drơ̆ng nơ̆r lăng ‘lơ̆ng dôm hơ yak hơtŏk tơiung lơ̆m tơdrong pơvei 2 đảng, 2 teh đak jô̆ đơ̆ng rŏng 2 ‘măng năm ngôi gĭt kăl đơ̆ng Kơdră chĕp kơ̆l tih hloh 2 đảng.

Hăm hơnăp jang ‘noh jĭ 2 anih jang tơgŭm gĭt kăl găh jang tơbôl kơ 2 đảng, 2 păh gô hơtŏk loi dơ̆ng jang hơdai, hơdai hăm dôm anih jang, khŭl tơpôl păng tơring 2 teh đak kơchăng, hơdrin bơ̆jang kiơ̆ đei yua hlôh vao atŭm gĭt kăl, dôm tơdrong tơchơ̆t atŭm păng hla ar jang hơdai 2 pang. Hơdrol ‘noh, ƀok Ngô Lê Văn, Phŏ Kơdră Anih jang tơbôl Trung ương hlôi pơgơ̆r pơma đam hăm Khŭl. 2 păh yak jrŭ găh dôm trong jang hơdai đơ̆ng 2 păh, pơtrŭt tơƀơ̆p pơma dơnuh lơ̆m tơdrong jang đảng tơ̆ hơnăp kơnh.