VOV Tây Nguyên pơjao 600 tơpu tơmam ngôi ăn hŏk tro jăl mâm non apŭng Lăk
Thứ năm, 11:00, 15/06/2023
VOV Tây Nguyên/Lan tơblơ̆
VOV Tây Nguyên/Lan tơblơ̆
VOV4.Bahnar – Vă tơgŭm đe hơ-ioh tơring ataih yaih đei tơmam hŏk pơhrăm ăn xơnăm hŏk 'nao, năr 14-6, Kŏng đoan Anih jang Rađiô nơ̆r pơma Việt Nam tơ̆ tơring Tây Nguyên jang atŭm hăm dôm anih jang tơgŭm hlôi pơjao 600 tơpu tơmam ngôi lăp gep ăn hŏk tro jăl mâm non kơ apŭng Lăk, dêh char Đăk Lăk.
600 tơpu tơmam pơkăp um hnam hăm tơ̆r MULA - IKEA đei bơ̆ đơ̆ng ‘long sôi, pik đak xơng acrylic hlăng păng như̆a Polypropylen. Hơkŏp kơjă jê̆ 240 trĭu hlj. Yă Hoàng Thị Thắm, pơgơ̆r jăl hŏk mâm non kơ Anih pơtho pơhrăm Lăk, dêh char Đăk Lăk ăn tơbăt, apŭng Lăk đei 13 hnam trưng mâm non, lơ̆m noh đei 12 hnam trưng kŏng lâ̆p păng 1 hnam trưng tư thŭk hăm hloh 4 rơbâu 'nu hơ-ioh, lơ̆m noh kơsô̆ hơ-ioh kon kông đei hloh 50%. Dôm tơmam mă VOV Tây Nguyên axong ăn, gô tơgŭm ăn đe hơ-ioh đei dơ̆ng tơmam hŏk vă hơtŏk hlôh vao păng hŏk pơhrăm.
Viết bình luận