Năr 29/7, Khul kơpal tang măt ăn Kuôk hô̆i pơlei tơm Hà Nội pơgơ̆r hop akŏm đe Kơdră Khul jang jăl 15. Đơ̆ng rŏng kơ sơkơ̆t hơlen hơnăn pôk rơih, rim bơngai tang măt hlôi tơlĕch tah kơphĭu srĕp vă pôk Kơdră Khul kơpal tang măt ăn Kuôk hô̆i pơlei tơm. Đơ̆ng noh, đei 100% bơngai tang măt hlôi đei măt pôk yă Bùi Thị Minh Hoài, jang lơ̆m Anih tơm Chĭnh trĭ, Ƀĭ thư Thanh uy jang Kơdră Khul kơpal tang măt Kuôk hô̆i jăl 15 pơlei tơm Hà Nội, jăl jang 2021-2026.

Pơma ah iŏk sơnong jang, tơƀôh tơdrong hơ-iă đei rim bơngai tang măt Kuôk hô̆i lơ̆m Khul lui ngeh pôk jang kơchư̆k Kơdră Khul, Ƀĭ thư Thanh uy Hà Nội Bùi Thị Minh Hoài ăn tơbăt gô hơdrin dơh po, jang atŭm kơjăp hăm dôm Khul Kơpal, rim bơngai tang măt ăn Kuôk hô̆i vei sơđơ̆ng tơchơ̆t, yuk hơlâu pơm kiơ̆ dôm sơkơ̆t pơm jang kơ bơngai tang măt ăn Kuôk hô̆i păng Khul Kơpal tang măt ăn Kuôk hô̆i pơlei tơm.