Mă hơdăh, kiơ̆ nơ̆r pơma pơtôch kơsô̆ 1612/ KL-TU đơ̆ng Khul kơdră chĕp pơgơ̆r Đảng dêh char Gia Lai, yă Nguyễn Thị Thanh Lịch - Tỉnh ủy viên, Kơ iĕng Kơdră chĕp pơgơ̆r Đảng, Kơ iĕng Kơdră chĕp pơgơ̆r Hơnih vei lăng kon pơlei dêh char Gia Lai gô iŏk vei lăng, chĕp pơgơ̆r đĭ đăng tơdrong jang kơ hơnih bơ̆ jang au iŏk đơ̆ng năr 6/6.

Hơdrol kơ ‘noh, vă đĭ khei 5/2024, ƀok Trương Hải Long- Kơ iĕng Kơdră chĕp pơgơ̆r Đảng dêh char, Kơdră chĕp pơgơ̆r Hơnih vei lăng kon pơlei dêh char Gia Lai đei Trung ương krao hơtŏk pôk tơmơ̆t jang Kơ iĕng Kơdră chĕp pơgơ̆r Hơnih tơm Nô̆i vŭ. Yă Nguyễn Thị Thanh Lịch (48 sơnăm) hŏk găh ƀak si, thak si y hŏk. Yă đei Hơnih vei lăng kon pơlei dêh char Gia Lai pôk tơmơ̆t jang Kơ iĕng Kơdră chĕp pơgơ̆r Hơnih vei lăng kon pơlei dêh char Gia Lai đơ̆ng sơnăm 2020. Tơ̆ Hơnih bơ̆ jang vei lăng kon pơlei dêh char Gia Lai, atŭm hăm yă Nguyễn Thị Thanh Lịch dang ei oei đei 3 ‘nu kơ ieng Kơdră chĕp pơgơ̆r dêh char ‘noh ƀok: Nguyễn Hữu Quế, Dương Mah Tiệp hăm Nguyễn Tuấn Anh.