Lơ̆m dôm tơdrong jang mă blŭng kơ ‘măng năm tơmang, Khul kơpal hlôi pơma đam hăm Phŏ Kơdră Đảng Dân chủ Tự do chĕp pơgơ̆r Aso Taro, ƀok Tổng Thư ký Đảng Dân chủ Tự do Motegi Toshimitsu; sơng pơma dơnuh hăm kơdră dêh char Wakayama Shuhei Kishimoto; tơƀơ̆p đe kan ƀô̆, đảng viên gơh hơgei kơ Đảng ƀô̆ păng Kơdră jang tang măt ăn Việt Nam tơ̆ Nhâ̆t.

Bơnê kơ tơdrong hơtŏk tơ-iung pran kơtang, tôm tơdrong, tơnăp kơ 2 teh đak đơ̆ng rŏng 50 sơnăm iung jang tơbôl, yă Trương Thị Mai sơkơ̆t hơdah Việt Nam drơ̆ng minh lăng tơgĭt tơdrong jang tơbôl Jang hadoi tôm tơdrong hăm Nhâ̆t; kơchăng jang atŭm hăm Jơnŭm pơgơ̆r teh đak, Đảng Dân chủ Tự do păng dôm đảng tơm, tơring kơ teh đak Nhâ̆t, ‘nhăk tơdrong tơbôl kơ 2 teh đak tŏk kơjăp hloh, tơgăl hăm anih dơ̆ng ‘nao kơ tơdrong tơbôl 2 teh đak.