Pơma pơtôch hop akŏm, yă Trương Thị Mai tơchĕng ‘lơ̆ng dôm anih jang đảng, khul jang đảng, khul kơdră chĕp kơ̆l đảng găh Trung ương lơ̆m sơnăm 2023 hlôi adrin tôch pơneh, kơchăng hơmet rim tơdrong, chih tơroi rim tơdrong mưh bơ̆ jang kiơ̆ tơdrong jang đơ̆ng Anih tơm Chinh trĭ, Ban Bí thư, dôm tơdrong jang, nơ̆r chih tơroi tôch ‘lơ̆ng, pơm lăp hăm tơdrong ‘mĕh vă.

Sơnăm 2024, tưk tơiung dôm tơdrong hlôi jang đei, hơmet ming dôm tơdrong tam mă pran ‘lơ̆ng, Kơdră chĕp kơ̆l Ban Bí thư athei rim anih jang đei ƀơm truh jang hơdoi mă ‘lơ̆ng hlŏh dơ̆ng lơ̆m tơdrong chih pơjing tơdrong jang, trong pơgơ̆r jang dôm tơdrong jang đơ̆ng Anih tơm Chinh trĭ, Ban Bí thư; dôm anih jang đei pơjao athei akŏm jơhngâm, kơchăng bơ̆ jang mă ‘lơ̆ng, chih tơroi mă hơdăh; 1,2 tơdrong jang pơmat tat hlôi đei đơ̆ng dôm sơnăm adrol sơ̆ athei akŏm jơhngâm sek tơlang mă kĕh kiơ̆ trong đei tơlĕch.