Tơ̆ jơ tơƀơ̆p pơma dơnuh, Kơdră chĕp kơ̆l pơgơ̆r Ban Bí thư hmach thơ thâu kơ dôm jơnei hơtŏk tơiung gĭt kăl lơ̆m rim tơdrong mă Nhật Bản hlôi iŏk đei lơ̆m khei ‘năr âu ki; hơdai hăm roi tơbăt găh dôm jơnei hơtŏk tơiung mŭk drăm - tơpôl, jang tơbôl kơ Việt Nam đơ̆ng blŭng jăl jang Hop akŏm XIII kơ Đảng truh dang ei.

Găh trong vă jang hơdai tơ̆ hơnăp kơnh, 2 păh drơ̆ng nơ̆r hơnơ̆ng hơtŏk loi dơ̆ng lui ngeh chĭnh trĭ păng hlôh băt dih băl ‘moi kiơ̆ pơvei hơnơ̆ng tơƀơ̆p kơdră kơpal păng rim kơdră; hơtŏk đei yua dôm trong jang hơdai păng pơma dơnuh đơ̆ng 2 păh lơ̆m dôm kênh Đảng, khŭl kơdră teh đak, Kuôk hô̆i, khŭl jang kon pơlei păng đơ̆ng dôm tơring đei tơmam ‘lơ̆ng kơ 2 teh đak; hơdrin pơtrŭt jang hơdai mŭk drăm - mơdro sa, tơmơ̆t jên jang păng dôm tơdrong jang ‘lơ̆ng nai tơgăl hăm tơmam ‘lơ̆ng păng ‘meh vă hơtŏk tơiung đơ̆ng 2 teh đak.