Yă Trương Thị Mai  tơroi kơ minh ƀar trong pơm jang tih vă pơih să păng hơtŏk tơnăp jang hadoi kơ 2 teh đak lơ̆m tơdrong jang kŏng ngĭp, jang gah bri kơjăp sơđơ̆ng, tơplih jơk, vă hơtŏk jang hadoi mŭk drăm, tĕch pơdro, asong jang. Yă Trương Thị Mai adoi sơkơ̆t hơdah tơdrong kăp gĭt hơtŏk pơma đam đe kơdră kơpal, jang hadoi đơ̆ng dôm anih jang đảng, Kuôk hô̆i, đơ̆ng dôm anih jang tơm păng akŏm pơma dơnuh kon pơlei.

Kơdră Kuôk hô̆i Phần Lan sơkơ̆t hơdah 2 teh đak oei đei lơ mŭk drăm hiôk vă jang hadoi lơ̆m dôm tơdrong mă Phần Lan pran păng Việt Nam kăl, Việt Nam jing anih truh jang kăp gĭt hăm dôm anih jang mŭk drăm Phần Lan; 2 teh đak kăl pơtoi hơtŏk, pơm trong tơplih kơtang hloh gah jang hadoi lơ̆m tôm tơdrong jang.