Ƀăo Nhân Dân hơtuch giĕng (Hơnăn blŭng a ‘nŏh Nhân Dân năr pơ̆h) jĭ kơsơ̆p hla ar tơroi mă blŭng lơ̆m tơdrong chih Hla ar tơroi kăch mang Việt Nam. Lơ̆m 35 sơnăm âu ki, kơsơ̆p hla ar tơroi vei kơjăp trong bơ̆ jang đơ̆ng 1 kơsơ̆p Hla ar tơroi kơ Đảng năm hơdai hăm tơdrong hơbĕch hơbal, hơmet ming trong roi tơbăt mă lăp hơnơ̆ng chih tơlĕch trong jang, pơjing đei tơdrong ‘lơ̆ng hơiă, tơƀôh hơdăh bưng ai, đon nuih mơng kŭm hăm trong jang tôch trŏ, đei yoa...

Pôk pơ ư dôm tơdrong jang đei lơ̆m 35 sơnăm âu ki đơ̆ng ƀăo Nhân Dân hơtuch giĕng, yă Trương Thị Mai athei tơ̆ hơnăp kơnh, hăm hơnăp jang gĭt kăl đơ̆ng kơdih, Ƀăo Nhân dân athei hơnơ̆ng adrin năm hơdrol lơ̆m tơdrong tơroi tơbăt trong jang đơ̆ng Đảng, chih tơroi ‘lơ̆ng hơiă, tưk tơiung đei jơhngâm đon ‘mêm kơ teh đak, jơhngâm pran đơ̆ng mât 1 ƀơ̆r đon, vang tơgop pơjing teh đak hơnŭk hơnoa, hiôk chơt, pơm hơtŏk um ai, anih dơ̆ng đơ̆ng Việt Nam lơ̆m apŭng plenh teh.