VOV4.Bahnar - Hơiă kơ ‘măng tơbăt 49 sơnăm tơblăh jơnei Buôn Ma Thuột (10/3/1975 - 10/3/2024), lơ̆m 2 năr, 9-10/3, dôm tơring lơ̆m dêh char Đắk Lắk pơgơ̆r lơ tơdrong jŏh ayŏ kơ dŏ xoang – tơplŏng kơdâu – chă tơmang lăng ‘lơ̆ng hơiă ăn kon pơlei păng tơmoi truh chă tơmang lăng.

VOV4.Bahnar - H’Juel jĭ bơngai chih tơdrong kơtơ̆ng ang, pơre nơ̆r M’nông lơ̆m Radio pơdăh um rup Đắc Nông. Mŏ oei vei lăng hloi công ty đei hơnăn Leng Gung juăt roi tơƀôh păng tĕch mơdro dôm tơmam tanh sĭt đơ̆ng sơ̆. Kiơ̆ đơ̆ng noh vang tơgop vei lăng, roi tơbăt păng tưk tơiung dôm kơjă kăp gĭt đơ̆ng tơmam tanh sĭt. Ƀlep ƀât Năr apŭng plenh teh kơ đe drŏ kăn 8-3, bơ̆n tơƀâp, pơma nuh hăm hơdruh M’nông tôch hưch ‘mêm tơmam tanh sĭt păng hơnơ̆ng đei đon adrin vei lăng tơmam kăp gĭt đơ̆ng sơ̆ kơ hơdrĕch hơdrung kơdih:

VOV4.Bahnar - Pơgê ‘năr 5/3, tơ̆ plt Buôn Ma Thuột, Anih vei lăng pơtho pơhrăm dêh char Đắk Lắk pơgơ̆r Tơdrong thi tơplŏng kơdâu ăn đe Hŏk tro ‘măng mă XVI - sơnăm 2024 (jăl 2).

VOV4.Bahnar - Tơdrong pơgơ̆r huch đech chehphe tơ̆ Kơchơ @ Buôn Ma Thuột, Cham să 10 tháng 3 păng Đường sách Buôn Ma Thuột lơ̆m 2 năr, ‘noh năr 9 păng năr 10/3/2024.

VOV4.Bahnar – Pơm kiơ̆ "Giĕng lêh Ao tai" kơyuơ Trung ương Jơnŭm jang Drăkăn Việt Nam pơtơm, kơmăng năr 3/3 tơ̆ Cham pơhiơ̆ hơdrơ̆m đak, pơlei tơm Kon Tum, Jơnŭm jang Drăkăn dêh char Kon Tum jang atŭm hăm Anih Joh ayŏ, Tơplŏng kơdâu păng Tơmang pơhiơ̆ pơgơ̆r Tơdrong akŏm "Kơmăng akŏm Ao tai".

VOV4.Bahnar - Vă jê̆ 500 ‘nu bơngai vang chih măt kơdâu thi tơ̆ dêh char Đắk Lắk ‘măng mă 41, sơnăm 2024 yoa Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng jang hơdoi hăm Anih vei lăng pơtho pơhrăm dêh char păng Anih jang đoan dêh char Đắk Lắk vang pơgơ̆r pơgê ‘năr 3/3.

VOV4.Bahnar - Pơgê 3/3, tơ̆ cham đăng ƀŏng dêh char Kon Tum, Anih vei lăng găh joh ayŏ, tơplŏng kơdâu păng tơmang lăng jang hơdai hăm Khŭl jang vei lăng drŏ kăn dêh char Kon Tum pơgơ̆r Lêh tơlĕch jang Khei bơ̆jang tơplŏng kơdâu ăn rim bơngai păng Năr kơdâu Olympic yua kơ jơhngơ̆m pran đĭ đăng kon pơlei; hơdai hăm ‘noh, pơgơ̆r vang hơsoang sơnăm 2024.

VOV4.Bahnar – Tơdrong hơrih đon bơnôh kơ bơngai Êđê hăm đon lui kơ yang hơpang pơjing đei lơ tơdrong et xa tơguăt hăm tơdrong hơrih kon bơngai păng tơdrong hơrih jang xa. Pơyan puih mak truh, tơdrong et xa roi rơ-ông rơ-ang jơ̆p pơlei pơla, hơvơn kơ mih ma duch nă păng bôl boăl atŭm vang tơƀơ̆p ƀok Y Blin Adrơ̆ng (rơneh sơnăm 1968), đe hơnơ̆ng krao Aê Tú, adoi pơjâu soi kơ yang, kră pơlei, ngê̆ nhơ̆n chĭng chêng tơ̆ pơlei Drai Điêt, xah Dliê Yang, apŭng Ea Hleo, dêh char Dak Lak vă tơmơ̆ng tơdrong mă ngê̆ nhơ̆n tơroi gah tơđrong vei răk tơƀăk mong dôm um ai joh ayŏ kơ bơngai Êđê.

VOV4.Bahnar - "Ƀô̆ đô̆i tơring sơlam Việt Nam, lĭnh vei lăng tơring sơlam Dak Lak - Tơƀôh 65 sơnăm jang đei păng hơtŏk tơiung” jĭ tơdrong jang pơdă tơƀôh um rup yua đơ̆ng Khŭl jang joh ayŏ kơdŏ soang Dak Lak jang hơdai hăm Anih tơm pơgơ̆r ƀô̆ đô̆i tơring sơlam dêh char păng Anih ‘măn răk tơmam drăm so Dak Lak pơgơ̆r kơsơ̆ brei (1/3).  

VOV4.Bahnar-Lêh pơih blŭng Sơnăm tơmang lăng Teh đak Điện Biên – 2024 păng Lêh Pơkao Ban 2024 gô pơgơ̆r lơ̆m ‘năr 16/3 truh tơ̆ pơlei tơm Điện Biên Phủ, dêh char Điện Biên.