Pơgơ̆r đơ̆ng dang ei truh đĭ ‘năr 15/4 truh âu kơnh tơ̆ Anih ‘măn răk tơmam drăm so Dak Lak, pơdă tơƀôh 120 hlak rup hơdai hăm màn hình pơih pơdăh tơroi găh ƀô̆ đô̆i tơring sơlam. ‘Nâu jĭ dôm um rup đei rơih iŏk đơ̆ng dôm ‘măng năm chih pơcheh, dôm ‘măng năm bơ̆jang lĭnh vei lăng tơring sơlam đơ̆ng dôm bơngai chih kơtơ̆ng ang păng bơngai phĭn rup, chhơ̆ rup bơngai lĭnh vei lăng tơring sơlam Việt Nam pơma atŭm păng dêh char Dak Lak pơma hơdrô̆.

Kiơ̆ đơ̆ng noh roi tơƀôh, roi tơbăt găh tơdrong jang 65 sơnăm pơjing păng hơtŏk tơiung đơ̆ng Ƀô̆ đô̆i tơring sơlam Việt Nam, Ƀô̆ đô̆i tơring sơlam Dak Lak; tơroi dôm tơdrong ‘lơ̆ng hơiă đơ̆ng kang ƀô̆, khul lĭnh sơlam lơ̆m kơplăh bơ̆jang kiơ̆ hơnăp jang pơm tơm sơđơ̆ng tơring sơlam, đĭ đăng kon pơlei vei lăng teh đak tơklep hăm pơm tơm hơgăt teh kơ teh đak.