Vă jê̆ 500 ‘nu bơngai vang kơdâu thi kơ dêh char Đắk Lắk ‘măng mă 41
Thứ hai, 14:23, 04/03/2024
VOV Tây Nguyên/Dơ̆ng tơblơ̆
VOV Tây Nguyên/Dơ̆ng tơblơ̆
VOV4.Bahnar - Vă jê̆ 500 ‘nu bơngai vang chih măt kơdâu thi tơ̆ dêh char Đắk Lắk ‘măng mă 41, sơnăm 2024 yoa Anih vei lăng jŏh ayŏ kơ dŏ xoang, tơplŏng kơdâu păng chă tơmang lăng jang hơdoi hăm Anih vei lăng pơtho pơhrăm dêh char păng Anih jang đoan dêh char Đắk Lắk vang pơgơ̆r pơgê ‘năr 3/3.
Tơdrong thi kơdâu dêh char Đắk Lắk sơnăm ‘nâu đei 17 khul găh dôm apŭng, thĭ, plt păng grŭp anih jang, hnam trưng vang thi. Dôm bơngai thi vang thi kơdâu đơ̆ng 2 - 5km kiơ̆ 8 tơdrong tơm đei: drŏ nglo, drŏ kăn juăt kơdâu, drŏ nglo, drŏ kăn kơdâu pơchơt, hơiŏh drŏ nglo, drŏ kăn vang kơdâu thi.
Thi đang, anih pơgơ̆r hơpăh mê đai ăn dôm bơngai kơdâu pran iŏk đei yaih như̆k, yaih ƀar, yaih pêng găh dôm tơdrong thi. Hơpăh hla kơ ăn dôm khul kơdâu pran iŏk đei yaih như̆k, yaih ƀar, yaih pêng. Tơdrong thi kơdâu đei pơgơ̆r hơnơ̆ng rim sơnăm vă pơjing tơdrong ‘lơ̆ng ăn dôm bơngai ‘mĕh thi kơdâu truh thi, ngôi pơchơt, hŏk iŏk tơdrong kăl đơ̆ng băl vang tơgop pơm hơtŏk tơdrong pơtâp pơhrăm kơdâu păng tưk tơiung tơdrong tơplŏng kơdâu tơ̆ tơring.
Viết bình luận