Kon Tum: Hloh 1.500 ‘nu bơngai vang akŏm Năr kơdâu Olympic yua kơ jơhngơ̆m pran đĭ đăng kon pơlei
Thứ hai, 14:21, 04/03/2024
VOV Tây Nguyên/Thuem tơblơ̆
VOV Tây Nguyên/Thuem tơblơ̆
VOV4.Bahnar - Pơgê 3/3, tơ̆ cham đăng ƀŏng dêh char Kon Tum, Anih vei lăng găh joh ayŏ, tơplŏng kơdâu păng tơmang lăng jang hơdai hăm Khŭl jang vei lăng drŏ kăn dêh char Kon Tum pơgơ̆r Lêh tơlĕch jang Khei bơ̆jang tơplŏng kơdâu ăn rim bơngai păng Năr kơdâu Olympic yua kơ jơhngơ̆m pran đĭ đăng kon pơlei; hơdai hăm ‘noh, pơgơ̆r vang hơsoang sơnăm 2024.
Vang akŏm Lêh tơlĕch jang Khei bơ̆jang tơplŏng kơdâu ăn kơ rim bơngai păng năr kơdâu Olympic yua kơ jơhngơ̆m pran kon pơlei, kon pơlei vang hơsoang dêh char Kon Tum sơnăm 2024 đei hloh 1.500 ‘nu ‘noh kang ƀô̆, bơngai jang teh đak, bơngai jang păng khŭl drŏ kăn apŭng Đăk Hà, Kon Rẫy, pơlei tơm Kon Tum.
Lơ̆m tơdrong vang hơsoang sơnăm 2024, 500 ‘nu drŏ kăn hrŭk ao tai, vang hơsoang kiơ̆ ƀlep ƀai đơ̆ng Trung ương Khŭl vei lăng drŏ kăn Việt Nam. Lăp đơ̆ng rŏng kơ lêh jang, hloh 1.500 ‘nu hlôi vang kơdâu hơtăih 1,5km.
Viết bình luận