Kiơ̆ kơ ‘noh, Anih jang Pơgang (Anih tơm vei lăng Kŏng an) hlôi jang hơdai hăm Hnam pơgang 199, Hnam pơgang 30/4, Kŏng an dêh char Đắk Lắk pơgơ̆r khăm, hmet jĭ ăn kơ 300 ‘nu bơngai teh đak tơgŭm, bơngai đei tơdrong hơrih sa mơmat tat. Tơ̆ âu, hlôi pơgơ̆r dôm tơdrong jang ‘mêm mơnat nhen: Tơdrong jang “Vih hăm pơlei pơla”; tơdrong pơlong “Gơgŭ teng neng măih” păng pơjao tơdrong jang “lăm kơmăy ăn kơ oh” tơ̆ Hnam trưng hŏk jăl 2 Ea Tiêu; et hơtŏk tơdrong jang “Tơ̆k hơdăh pơlei pơla” păng “Trong hla kơ Teh đak”.

‘Măng âu Kŏng an dêh char Đắk Lắk kŭm hlôi tơlĕch jang chă năm tơroi tơbăt khôi luơ̆t găh sơđơ̆ng trong sơlam, tang găn sar bar yua đơ̆ng hơmlăi đôh, glơ̆k kơđak; hơmet ming hnam hŏk hôp tơpôl; năm ngôi asong tơmam ăn ŭnh hnam lĭnh jĭ lôch dŏng teh đak păng kŏng an 2 xăh Ea Tiêu păng Ea K’tur, apŭng Cư Kuin.