Tơ̆ 'măng akŏm, jơnŭm pơgơ̆r hlôi pơjao 16 hơmrŭk chĭng chêng, 69 tŏ brŏ tĭnh păng lơ kơluăi brŏ nai, atŭm hăm kơ hrĕng hơbăn ao tanh kơ hơdrung bơngai ÊĐê, Lào, Tày, Nùng, Thái, Mường, Thanh Y,…ăn 33 kâu lak ƀô̆, khul joh ayŏ kơdŏ suang dôm thôn, pơlei tơring kon kông lơ̆m dêh char.

Tơdrong jang âu đei pơm kiơ̆ tơchơ̆t jang sơnăm 2024 kơ dêh char, lơ̆m pơkăp kơ Tơchơ̆t kơsô̆ 10 kơ Jưnŭm vei lăng kon pơlei dêh char Đak Lăk gah vei răk tơƀăk mong joh ayŏ chĭng chêng tơ̆ dêh char jăl sơnăm 2022-2025 păng tơdrong tơchơ̆t jang kơ teh đak gah hơtŏk mŭk drăm – tơpôl tơring kon kông păng groi kông vă vei răk tơƀăk mong joh ayŏ juăt jue 'lơ̆ng rŏ kơ kon pơlei kon kông tơguăt hăm jang tơmang pơhiơ̆.