‘Năr 1/12/1945 (ƀlep ‘năr 27/10 sơnăm Ất Dậu), ƀơ̆t ‘nao chă nơnăm truh tơ̆ thị xã Buôn Ma Thuột ‘noh anih jang đei khŭl lĭnh Phalăng ưh kơ ê chop prăh, pơm ăn 100 ‘nu lĭnh lôch păng lơ kon pơlei (găh lơ ‘noh bơngai kră, drŏ kăn, hơioh) tơ̆ plei Lạc Giao lôch. Đơ̆ng rŏng âu, kon pơlei tơring hlôi iŏk ‘năr 27/10 âm lịch rim sơnăm pơm năr yôk kơ đe lĭnh păng kon pơlei lôch.

Tơ̆ lêh ƀlŏk hơdơ̆r, dôm bơngai tang măt hlôi soh nhang păng pơdâu dơ̆ng tơdrong gĭt kăl ‘năr 27/10 sơnăm Ất Dậu -1945, tơƀôh đon kŭp yom hăm tơdrong lôch hơchăng đơ̆ng rim jơhnơr năm hơdrol. Tơƀlŏk ăn kon pơlei, mă loi ‘noh jĭ jơhnơr mơlôh găh tơdrong joăt joe “Nhă đak ƀlŏk kơ tu”; đơ̆ng noh hơtŏk ‘lơ̆ng đon hlôh vao, jang tơnăp lơ̆m tơdrong jang pơjing păng vei lăng Teh đak.