Khei 7 sơnăm 2020, Groi teh gĭt kăl  Đắk Nông đei UNESCO drơ̆ng ăn ‘noh jĭ Groi teh gĭt kăl jơ̆p plei teh. Đơ̆ng rŏng 4 sơnăm, Groi teh gĭt kăl Đắk Nông sơng iŏk hơnăn âu ‘măng mă 2. Đei hơnăn ‘noh "Tơring kơ dôm tơdra hơri hơsoang”, Groi teh kăp gĭt jơ̆p plei teh UNESCO Đắk Nông hlôi tơƀôh hơdăh anih dơ̆ng lơ̆m hla kak kăp gĭt jơ̆p plei teh, tơgop pôk pơ ư dôm tơdrong kăp gĭt đơ̆ng teh, joh ayŏ păng cham char bri brăh ‘lơ̆ng hơiă kơ tơring teh Tây Nguyên. 

Tơdrong drơ̆ng ăn dơ̆ng hơnăn kăp gĭt âu ‘noh jĭ tơdrong gĭt kăl, ưh khan lăp tơgŭm Đắk Nông hơmet ming tơdrong jang hơtŏk tơiung kiơ̆ tơdrong jang kơjăp mă oei tơgop ‘lơ̆ng lơ̆m tơdrong jang kiơ̆ ‘lơ̆ng dôm tơdrong hơgăt hơtŏk tơiung kơjăp đơ̆ng Tơdrong jang kăl 2030 yua đơ̆ng Liên Hiệp Quốc tơlĕch ăn. Lơ̆m noh, pơtrŭt tơdrong vei răk tơmam drăm bri brăh, pơtrŭt hơtŏk tơiung mŭk drăm - tơpôl kiơ̆ lơ̆m tơdrong ‘lơ̆ng hơdai hăm cham char bri brăh păng joh ayŏ joăt joe.