Pơdui đunh truh đĭ ‘năr 30/12 truh âu kơnh, tơdrong tơroi tơƀôh hloh 1.000 tơmam ‘lơ̆ng lơ̆m teh đak. Hơnih pơdă, roi tơƀôh păng pơtrŭt tĕch mơdro tơmam OCOP tơ̆ Đà Lạt đei hloh  200 kơdeng tơmam đơ̆ng 120 anih jang, anih mơdro sa, dôm anih pơtrŭt tĕch mơdro lơ̆m teh đak vang akŏm.

Tơ̆ âu, hloh 1.000 tơmam asong hla ar pơkăp tơmam OCOP đơ̆ng 3 truh 5 hơnglŏng đơ̆ng dôm tơring lơ̆m teh đak, tơmam ‘lơ̆ng kơ rim tơring đei roi tơƀôh truh kon pơlei păng tơmoi. Kiơ̆ kơ yă Nguyễn Thị Hồng Quyên, Kơdră vei lăng kŏng ti TNHH Cô Ba Chuyên, dêh char Đồng Nai, ‘nâu jĭ tơdrong hiôk tih vă anih jang roi tơƀôh tơmam ‘lơ̆ng kơ tơring kơdih truh hăm bơngai răt yua lơ̆m teh đak păng tơmoi apŭng plĕnh teh.