Hăm hơnăn “Truh lăng tơdrong joh ayŏ kơ dŏ xoang-Hơlen năng cham char bri brăh ‘lơ̆ng rŏ”, tơdrong jŏh ayŏ kơ dŏ xoang âu đei lơ tơdrong tôch hơiă. Hơiă hlŏh jĭ Tơdrong lêh tơ̆ trong glung hăm hlŏh 1.000 ‘nu bơngai jŏh hơri hơxoang, ngê̆ nhơ̆n, hŏk tro vang akŏm; Tơdrong thi tôn chĭng, hơxoang hăm hơnăn “Jơva chĭng chêng bri kông” đei hlŏh 600 ‘nu ngê̆ nhơ̆n vang akŏm.

Ƀlep ƀât ‘măng mă âu oei pơgơ̆r hloi tơdrong tơtĕch trong jang xa, roi tơbăt găh tơmang lăng, anih truh tơmang lăng tơ̆ dêh char; thi pai tơmam xa pơyoa ăn tơdrong chă tơmang lăng Kon Tum hăm hơnăn “’nhĕm bot ‘nhot ‘lơ̆ng tơ̆ tơring groi kông”; roi tơbăt tơdrong vă pơjing Anih chă tơmang lăng Măng Đen truh sơnăm 2045; hơlen năng dôm tơdrong iŏk đei đơ̆ng jang hơdoi vang atŏk tơiung chă tơmang lăng hăm 3 dêh char găh Pơbăh kơ teh đak Lào, đei: Attapư, Sêkông păng Salavan.