VOV4.Bahnar - Gơmăng hei, 10/9, Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng jang hơdoi hăm Anih vei lăng kon pơlei dêh char dêh char Bình Định pơm lêh pơtôch năr Jŏh ayŏ kơ dŏ xoang kơ dôm hơdrĕch kon kông tơring Tŏk bŏk. 

VOV4.Bahnar - Ƀok Y-Djuan Mjâo (oei krao ‘nŏh Aê Lot) 65 sơnăm, tơ̆ plei M’Ngoan, xăh Ea Hồ, apŭng Krông Năng, dêh char Dak Lak jĭ 1 ‘nu ngê̆ nhơ̆n tôch rơgei. Ưh lăp gơ̆h tôn lơ ƀai chĭng, gơ̆h pơm păng hlôm đing tarta, đing năm, đing buôt,… ƀok oei gơ̆h hơri kưt, hơri eirei, hlôh vao khôi juăt păng hơnơ̆ng adrin vă pơtho tơƀôh ăn jơhnơr đơ̆ng rŏng tơ̆ pơlei dơ̆ng.

VOV4.Bahnar - VOV Tây Nguyên 30 sơnăm tơ iung pơjing păng atŏk tơ iung, Rapor nơ̆r Kon kông jei truh 30 sơnăm ƀĕng ƀang tơdrong ƀlŏk hơdơ̆r. Đơ̆ng Tơdrong rapor nơ̆r Êđê mă blŭng đei pơre lơ̆m trong hơyuh rapor ... sơnăm 1993, truh dang ei, VOV Tây Nguyên hlôi bơ̆ jang, pơre nơ̆r 6 nơ̆r kon kông: ÊĐê, Jarai, Bahnar, Xơ Đăng, K’Ho păng M’Nông. Atŭm hăm kơtơ̆ng ang lơ̆m teh đak păng teh đak đe, oei đei dôm tơdrong tơroi, tơdrng joh hơri ‘măn ăn kon pơlei kon kông. Lơ̆m 30 sơnăm ‘nŏh, đei lơ tơdrong ƀlŏk hơdơ̆r ‘lơ̆ng rŏ hăm rim jơhnơr bơ̆ jang rapor nơ̆r kon kông tơ̆ Tây Nguyên.

VOV4.Bahnar - Ting ning jĭ 1 tơmam rĕh đei đơ̆ng kră sơ̆ kơ 1,2 hơdrĕch kon kông tơ̆ Tây Nguyên. Tĭng nĭng đei yoa lơ̆m dôm năr pơchơt lơ̆m tơpôl, năr et xa mă loi jĭ lơ̆m dôm ‘măng tơƀâp hơri pơyong. Hưch ‘mêm kơ Tĭng nĭng, Ngê̆ nhơ̆n Y-Djưng Êban, tơ̆ xăh Čư̆ Suê, apŭng Čư̆ Mgar, dêh char Dak Lak ưh lăp gơ̆h rĕh tĭng nĭng đĕch mă oei gơ̆h pơm vă chă pơtho ăn kôn mon kon sâu đơ̆ng rŏng dơ̆ng.

VOV4.Bahnar - Djrơ drjĭng jơva chĭng chêng, hơdai hăm đing klel păng jơva hơgơ̆r, tơdrong hơxoang Arya pơsưt tôch ‘lơ̆ng rŏ păng tôch kăp gĭt lơ̆m tơpôl bơngai Chu Ru chăl sơ̆, dang ei đei tơiung ming dơ̆ng tơ̆ tŏk bŏk bri kông Tây Nguyên. Ưh kơsĭ gô truh dang ei ôh mă đơ̆ng lơ sơnăm bơih tơdrong hơxoang âu đei ngê̆ nhơ̆n Touneh Ma Bio, tơ̆ plei Diom A, xăh Lạc Xuân, apŭng Đơn Dương, dêh char Lâm Đồng, chĕp vei.

VOV4.Bahnar - Dêh char Kon Tum đei hlŏh 609.600ha bri, lơ̆m nŏh hlŏh 547.700ha ‘nŏh jĭ bri brăh, đei yơ̆p loi 63% hơgăt tĕh lơ̆m dêh char. Kŭm hăm atk tơiung mŭk drăm bri ‘long, dôm sơnăm tơjê̆ âu lơ tơpôl kon pơlei kon kông tơ̆ tơring, anih jang, tơring tơrang tơ̆ dêh char Kon Tum oei akŏm jơhngâm vei lăng năng tông, iŏk yoa um ai ‘lơ̆ng rŏ đơ̆ng bri kông pơm tơmam chă tơmang lăng vă sơng tơmoi truh.

VOV4.Bahnar -  Kơkuh chơt hơ iă tơbăt 78 sơnăm Năr Kĕch mang Khei Tơhngam păng Quốc khánh 02/9 sơnăm au, hơnih bơ̆ jang găh au păng kơdră tơring, rim hơnih tơmang pơhiơ̆ oei sa joh ayŏ joăt joe lơ̆m rim dêh char  Tây Nguyên tŏk bŏk hơdrin hơmet ăn dôm tơdrong kăl hloh vă sơng tơmoi truh hăm hơnih tơmang pơhiơ̆ tơ̆ tơring. Tơdrong jang tơmang pơhiơ̆ joh ayŏ oei sa joăt joe au ưh khan lăp vei kơjăp, atŏk ‘lơ̆ng tơdrong oei sa joăt joe ‘lơ̆ng rŏ hơdrĕch hơdrung mă lei oei pơjing đei tơdrong jang sa iŏk yua kơjăp rim ‘măng jơ ‘năr tơring sơng hơvơn tơmoi tơmang pơhiơ̆ năm truh.

VOV4.bahnar - Lơ̆m dôm năr au, atŭm hăm kon pơlei jơ̆p jang tơring tơrang lơ̆m teh đak sơng Têt teh đak pơm tơm kơdih, kon pơlei rim hơdrung tơ̆ jơ̆p pơlei pơla tơring Tây Nguyên brơ̆k ƀlŏk hơdơ̆r dơ̆ng kơ Ƀok Hô. Mă đơ̆ng tim lăh tơƀơ̆p hiă mĭnh ‘măng, mă lei lơ̆m jơhngơ̆m đon rim kon pơlei Tây Nguyên ling lang nhen đei Ƀok Hô oei tơjê̆, lăng ba, dreng lăng năng tông dôm tơdrong jang, pơlei pơla tơgoăt tơgoăl, sơđơ̆ng dơ̆ng kơjăp, pơjing đei jơhngơ̆m pran pơting dih băl ‘mêm kơ eng teh đak, kon pơlei atŏk tơ iung jang sa, sơđơ̆ng hơrih sa.

VOV4.Bahnar – Hăm hơnăn “Amazing Kon Tum - Kon Tum ‘lơ̆ng hơ-iă”, kơsơ̆ ‘năr brei (30/8), tơ̆ pơlei tơm Kon Tum, Anih jang Joh ayŏ, Tơplŏng kơdâu păng Tơmang pơhiơ̆ dêh char Kon Tum tơlĕch tơdrong pơlong pơm video clip Tơmang pơhiơ̆ Kon Tum sơnăm 2023.

VOV4.Bahnar - Gơmăng năr 29/8, tơ̆ Hnam joh hơri Hồ Gươm, Hà Nội, Kơdră chĕp pơgơ̆r Kuô̆k hô̆i Vương Đình Huệ vang năm ‘Măng pơgơ̆r Joh hơri “Nắng Ba Đình".