Tơ̆ phường Buôn Ma Thuột, dêh char Đắk Lắk, Jơnŭm Lý luận Trung ương jang hơdai hăm Khŭl Joh ayŏ Kơdŏ soang dêh char pơgơ̆r pơma đam “Joh ayŏ kơdŏ soang kơ dôm hơdrĕch kon kông tơ̆ Tây Nguyên - Tơdrong păng trong vă jang hơtŏk tơiung”. Dôm bơngai tang măt pơma hơdăh Tây Nguyên jing hơnih oei sa kơ lơ hơdrĕch hơdrŭng hăm tơdrong joh ayŏ so lơ, hơiă; lơ tơpôl oei chĕp vei đei nơ̆r pơma, chư chih, hơbăn ao hrŭk păng tơdrong et sa, et soi kră sơ̆.

Mă lei, tơdrong mơ̆t hơdai, tơplih joh ayŏ đei ƀôh hrĕnh, lơ kơjă kăp gĭt đei hơmơt hiơt hiong kơna tơdrong chĕp vei kăl kơ tơklep hăm tơdrong jang tơmang lăng, pơm tơdrong jang sa kơjăp ăn kon pơlei. Lơ nơ̆r tơgop akhan bơngai jang joh ayŏ kơdŏ soang găh hơdrĕch kon kông oei ưh kơ măh, trong jang tơgŭm tam mă tơ găl, tơdrong jang roi tơbăt ƀơ̆t lăp oei ưh kơ tôm. Pơma đam tơgŭm lăng ƀôh hơdăh hloh tơdrong, tơgop tơlĕch tơdrong tơchơ̆t đơ̆ng Đảng găh pơjing joh ayŏ, yak truh dôm kơjă kăp gĭt kơjăp, ƀĕnh tơdrong ‘lơ̆ng hơiă.