Sơnăm 2025, chă tơmang lăng Gia Lai hơnơ̆ng tŏk pran hăm hlŏh 12 triu ‘nu tơmoi truh, tŏk hlŏh 17% pơting hăm sơnăm sơ̆; akŏm đĭ đăng iŏk yoa dang 29.000 ti hlak jên. Sơnăm 2026, Gia Lai adrin sơng 15 triu ‘nu tơmoi, tŏk 21% pơting hăm sơnăm 2025; akŏm đĭ đăng iŏk yoa đơ̆ng chă tơmang lăng dang 35.000 ti hlak jên.

Vă jang đei tơdrong ‘nâu, kŭm hăm tưk tơiung trong jang tŏk đơ̆ng sơnăm 2025, dêh char vă hơnơ̆ng tơlĕch jên hơmet pơ ‘lơ̆ng anih jang, trong nơnăm, pơvih pơvăn păng hơtŏk khul jang rơgei găh chă tơmang lăng. Yă Nguyễn Thị Kim Chung, Phŏ Kơdră Anih vei lăng joh ayŏ kơ dŏ xoang, tơplŏng kơdâu păng chă tơmang lăng dêh char Gia Lai ăn tơbăt, sơnăm Chă tơmang lăng 2026 tơ̆ Gia Lai oei đei tơlĕch hăm 155 tơdrong jang, lơ̆m noh đei 21 tơdrong jang yoa đơ̆ng Anih tơm vei lăng joh ayŏ kơ dŏ xoang, tơplŏng kơdâu păng chă tơmang lăng pơgơ̆r, 34 tơdrong jang hơdoi hăm dôm dêh char, plt păng 100 tơdrong jang yoa dêh char pơgơ̆r.