Kiơ̆ kơ Anih vei lăng Joh ayŏ, Tơplŏng kơdâu păng Tơmang lăng dêh char Lâm Đồng, akŏm kơsô̆ tơmoi năm chă ngôi, ƀĭch pơdơh năr ‘nâu jô̆ pơhlom đei dang 650.000 ‘nu, lơ̆m noh tơmoi apŭng plĕnh teh dang 30.000 ‘nu; iŏk yua đơ̆ng tơmang lăng jô̆ pơhlom đei dang 1.200 ti hlak jên. Kơsô̆ iŏk yua lăm ƀĭch pơdơh jô̆ pơhlom đei 70–80%, hơdrô̆ dôm anih ƀĭch pơdơh đơ̆ng 3–5 hơnglŏng đei 85–90% .

‘Măng âu, lơ tơdrong jang joh ayŏ - ngôi pơchơt đei pơgơ̆r nhen Jô̆ hơdrơ̆k – Kơkuh sơnăm ‘nao 2026 tơ̆ Đà Lạt, Mũi Né păng tơring Pơmơ̆t Lâm Đồng; kŭm hăm dôm tơdrong jang joh ayŏ kơdŏ soang, lêh tơ̆ dôm tơring, hơnih tơmang lăng. Mă loi ‘noh, Lâm Đồng pơgơ̆r kơkuh sơng gre păr păr mă blŭng kơ sơnăm 2026, sơng dang 200 ‘nu tơmoi, tơgop roi tơƀôh um rup hơnih truh sơđơ̆ng, hơrâu hiôk.

Pơih blŭng ăn tơdrong akŏm kơ Sơnăm Tơmang pơhiơ̆ Teh đak  – Gia Lai 2026, Hơnih jang Joh ayŏ, Tơplŏng kơdou păng Tơmang pơhiơ̆ dêh char Gia Lai jang atŭm hăm Cham gre păr Phù Cát, Hơnih jang gah gre păr VietnamAirlines păng Jơnŭm jang Tơmang pơhiơ̆ pơgơ̆r sơng khul tơmoi mă blŭng truh Gia Lai lơ̆m sơnăm 'nao. Gre păr đei kơsô̆ VN1392 kơ Hơnih jang gah gre păr Vietnam Airlines 'nhăk 185 tơmoi truh hăm Gia Lai lơ̆m năr blŭng kơ sơnăm 2026. Ah cham gre păr, tơmoi đei sơng hăm khôi hơsuang prao, dôm nơ̆r thơ thou sô̆ sơnăm 'nao, dôm tơmam pôk akŏm đon bơnôh kon pơlei ăn đe tơmoi.

Sơnăm 2026, Gia Lai chơt hơ-iă đei Hơnih tơm Joh ayŏ, Tơplŏng kơdou păng Tơmang pơhiơ̆ rơih jĭ hơnih pơgơ̆r Sơnăm Tơmang pơhiơ̆ kơ Teh đak, hăm pơkăp vă tơbang kơtang hloh gah mŭk drăm, tơdrong joh ayŏ păng dôm tơmam drăm tơmang pơhiơ̆ kăp gĭt, hơdrin sơng đei pơhlom 15 triu 'nu tơmoi, đei yua truh 35.000 tih hlj.