Hăm hơnăn “Tơ̆k ŭnh plei nuih - Tơgoăt ‘mêm kơ eng”, tơdrong jang đei pơgơ̆r kiơ̆ trong pơdăh tivi kơtă tơ̆ 2 hơnih: Cham să Nguyễn Tất Thành (phường Quy Nhơn) păng Cham să Đại Đoàn Kết (phường Pleiku), tơ̆ Hơnih joh ayŏ kơdŏ soang đei pơm tôch kơ hơlen hăm lơ tơdrong “Tơ̆k ŭnh plei nuih”, hơdai hăm joh ayŏ kơdŏ soang ‘nao, ŭnh kơđeng pơchrang hơdăh ‘lơ̆ng păng màn hình LED tih.

‘Moi kiơ̆ tơdrong jang kơkuh sơnăm ‘nao, dêh char Gia Lai hơmĕng pơm tơdrong hơiă joh ayŏ - tơmang lăng, roi tơƀôh um rup tơring teh păng kon bơngai tơring kông, hơdai hăm pơm tơdrong hơiă, tưk tơiung jơhngơ̆m đon ‘lơ̆ng ăn sơnăm 2026 – sơnăm Gia Lai hơmet ăn iŏk pơgơ̆r Sơnăm Tơmang lăng teh đak.