Tơdrong joh hơri akŏm lơ̆m tơdrong tơbang gah đon bơnôh păng đon lui đơ̆ng kon pơlei hăm Đảng lơ̆m tơdrong pơgơ̆r teh đak găn hloh tơnap tap, hrat hrĭn; tơgop pơjing tơdrong chơt hơ-iă, drơ̆ng nơ̆r, tơ-iung tơdrong tơguăt tơguăl, tơnăp păng hơpơi 'meh plang asong. Hăm pơkăp đei 3 apăng, tơdrong joh hơri pơtruh lơ tơdrong vơch ăn bơngai lăng.

Apăng mă I – “Nơ̆r teh đak” 'nhăk bơngai lăng chôt vih hăm tơm a la chă hăm dôm nơ̆r hơri pơlung, tơdrong hơri kră sơ̆, tơdrong hơri juăt jue, pơjing tơdrong kăp gĭt gah joh ayŏ Việt Nam. Apăng mă II – “Chăl hơrih” pơih pơjing tơdrong tơplih, tơdra hơri mơlôh 'nao mă lei adoi oei akŏm đei đon bơnôh Việt, tơƀôh tơdrong jang tơplih hơtŏk kơ teh đak lơ̆m tơdrong jang hơdoi hrei ou. Apăng mă III – “Kơ-ang brê grasia” jĭ đon bơnôh akŏm pôk pơ-ư đak kơ-ang brê – um pơtih ăn kơ Đảng păng Teh đak. Dôm tak phâm 'nao hiôk hrơu atŭm hăm tơdrong juăt jue păng gơh hơgei 'nao, tơƀôh hơdah đon lui păng tơdrong hơpơi 'meh plang, vă tơ-iung pơjing teh đak pran kơtang, pơdrŏng jơnap.