Chă tơmang lăng Đắk Lắk đei hơyak tŏk pran hăm kơsô̆ jên iŏk đei sơnăm 2025 pơhlom hlŏh 13.600 ti, lơ hlŏh 8% tơdrong hơgăt. Akŏm đĭ đăng tơmoi truh tơmang lăng đei hlŏh 7,3 triu ‘nu, tŏk hlŏh 16% pơting hăm tơdrong hơgăt. Lơ̆m dêh char dang ei đei 782 anih tep pơdơ̆h, tŏk 34 anih pơting hăm sơnăm 2024, pơjing tơdrong ‘lơ̆ng vă chă tơmang lăng dar deh jing anih jang muk drăm gĭt kăl kơ tơring.

Sơnăm 2026, dêh char Đắk Lắk chih hơdăh, vă hơnơ̆ng hơtŏk hơnăp jang pơjing kon bơngai păng cham char lơ̆m tơpôl rơgŏh ‘lơ̆ng; pơgơ̆r mă ‘lơ̆ng dôm tơdrong tơplŏng kơdâu tơ̆ tơring; tơlĕch jang ‘lơ̆ng Sơnăm chă tơmang lăng dêh char Đắk Lắk 2026, kiơ̆ đơ̆ng noh pơjing jơhngâm pran ăn tơdrong jang tŏk mŭk drăm păng jang tŏk pran kơjăp lơ̆m chăl ‘nao.