VOV4.Bahnar – Lơ̆m sơnăm 2024, dêh char Đăk Lăk hlôi tơbang đei lơ anih tơmang pơhiơ̆ pơlei pơla tơ̆ pơlei tơm Buôn Ma Thuột păng dôm apŭng, hơtŏk kơsô̆ pơlei jang tơmang pơhiơ̆ đei sơkơ̆t hơdah noh 5 pơlei. Tơ̆ rim pơlei, jơnŭm pơgơ̆r tơring păng kon pơlei tŏk bŏk oei hơdrin pơjing dôm tơmam drăm kăp gĭt đei um ai phara kơdih, pơm anih kăp gĭt ang hơdah lơ̆m um la kak tơmang pơhiơ̆ tơ̆ dêh char.

VOV4.Bahnar - Khŭl bơ̆jang kơ Anih tơm vei lăng Kŏng an ‘nao pơgơ̆r khăm jĭ, asong đĕch pơgang păng pơjao tơmam Tết ăn kơ kon pơlei tơ̆ 2 xăh Ea Tiêu păng Ea K’tur, apŭng Cư Kuin, dêh char Đắk Lắk. 

VOV4.Bahnar – Lơ̆m et brư̆ (dah mă đe oei krao et PơThi) kơ kon pơlei Jrai tơ̆ Tây Nguyên, đei minh khôi kăp gĭt grasia, đei kon pơlei gô chang hloh noh rup Brêm. Kon pơlei Jrai krao Brêm âu noh Bram. 'Nâu jĭ tơdrong pơm kăp gĭt, bơngai hơrih pơm blit trôk jơ̆p hơkâu vă pơm Brêm.

VOV4.Bahnar – Anih gru grua Pơgar Rossi tơ̆ thĭ xah Buôn Hồ jĭ minh anih kăp gĭt lơ̆m tơdrong pơtho pơhrăm juăt jue kăch mang kơ dêh char Đăk Lăk. Dang ei jơnŭm pơgơ̆r tơring tŏk bŏk oei chă trong vei răk tơƀăk mong păng iŏk yua kơjă kăp gĭt kơ anih âu vă hơtŏk jang tơmang pơhiơ̆.

VOV4.Bahnar – Truh hăm kon pơlei Xơ Đăng tơ̆ Tây Nguyên, kăp gĭt hloh hăm tơmoi noh um ai Rông kơjung ti ti, oei ah anih tơm kơ rim pơlei pơla. Ưh hơdrô̆ kăp gĭt gah tơdrong pơm, Rông oei oei jĭ anih grasia yang hơpang kơ pơlei pơla Xơ Đăng.

VOV4.Bahnar - Gơmăng 26/12, tơ̆ pơlei tơm Gia Nghĩa, Anih vei lăng kon pơlei dêh char Đắk Nông pơgơ̆r lêh sơng iŏk hơnăn Groi teh gĭt kăl jơ̆p plei teh UNESCO Đắk Nông ‘măng mă 2.

VOV4.Bahnar – Anih akŏm tơdrô vang, hla che, kaphê păng tơmam kăp gĭt Đà Lạt – Lâm Đồng 'măn ăn tơdrong kăl yua kơ kon pơlei păng tơmoi hlôi pơtơm ah năr 26/12, tơ̆ trong Hồ Tùng Mậu, phương 3, pơlei tơm Đà Lạt, dêh char Lâm Đồng.

VOV4.Bahnar - Jĭ 1 lơ̆m 10 tơdrong jang tơm kơ Festival pơkao Đà Lạt sơnăm 2024, tơ̆ cham ngôi pơhiơ̆ Trần Quốc Toản, pơlei tơm Đà Lạt, Anih vei lăng kon pơlei dêh char Lâm Đồng hlôi et hơtŏk hơnih pơdă tơƀôh păng pơtrŭt tĕch mơdro tơmam OCOP rim tơring.

VOV4.Bahnar - Kơsơ̆ 23/12 tơ̆ pơlei tơm Buôn Ma Thuột, Anih vei lăng tơmam drăm so (Anih tơm vei lăng găh Joh ayŏ, Tơplŏng kơdâu păng Tơmang lăng) pơgơ̆r Hop akŏm pơtôch, pơdă, tơƀôh tơdrong jang tơgoăt tơmam kăp gĭt “Tơdrong joh ayŏ chĭng chêng Tây Nguyên lơ̆m tơdrong jang tơmang lăng kăp gĭt Buôn Ma Thuột - Đắk Lắk”.

VOV4.Bahnar – Kơmăng 'năr brei (22/12), tơ̆ pơlei tơm HCM, tơdrong Joh ayŏ kơdŏ suang kăp gĭt đei hơnăn “Ƀai hơri ưh layơ hiơt” hlôi đei pơgơ̆r jơnei keh kong, răk 'măn lơ tơdrong kăp gĭt hăm rim bơngai tang măt păng kon pơlei truh lăng. Kơdră Kuôk hô̆i Trần Thanh Mẫn atŭm hăm đe kơdră Đảng, Teh đak năm lăng tơdrong joh hơri.