Vang truh hăm lăm hŏk đei vă jê̆ 30 ‘nu bơngai truh đơ̆ng dôm kâu lak ƀô̆, khul hơri hơxoang, pơlei pơla lơ̆m dêh char, đei Ngê̆ si rơgei Vũ Lân pơtho tơƀôh ki thuơ̆t hơxoang hmă păng dôm tơdrong hơxoang hơdai hăm tôn chĭng, et soi so, tơgŭm ăn bơngai hŏk hlôh vao hơdăh ƀiơ̆ rim tơdrong hơxoang.

Kiơ̆ bơngai chih văn Niê Thanh Mai, Kơdră vei lăng Khul chih pơcheh, hơri hơxoang dêh char Đắk Lắk, lăm pơtâp âu tôch đei yoa vă chĕp vei păng pơm hơtŏk kơjă kăp gĭt đơ̆ng tơdrong juăt so kơ dôm hơdrĕch kon kông Tây Nguyên, atŭm hăm ‘nŏh pơtho ming dơ̆ng khul ngê̆ nhơ̆n oei mơlôh, bơngai chă pơgơ̆r hơri hơxoang tơ̆ pơlei pơla.