VOV4.Bahnar - Ƀok Byơh tơ̆ plei Bok Ayơl, xăh H’Ra, apŭng Mang Yang, dêh char Gia Lai jĭ 1 lơ̆m dôm ‘nu bơngai tôch hưch ‘mêm kơ tơmam tôm reh đei pơm đơ̆ng alo, pơ o, hơ ‘yơl. Jơva re hơbôn hiôk đơ̆ng tĭng ning, chĭng klơk, glơng glơ̆i… nhen hlôi mât hrơm lơ̆m jơhngâm đon ƀok. Ưh lăp gơh tôn, gơh reh tĭng ning, teh chĭng klơk đĕch mă ƀok Byơh oei gơ̆h pơm păng hơnơ̆ng chă pơtho ăn kơ kon sâu lơ̆m hnam dơ̆ng.

VOV4.Bahnar – Ƀok Buk, 82 sơnăm, oei tơ̆ pơlei Wâu Ktu, xah Chư Á, pơlei tơm Pleiku, dêh char Gia Lai jĭ minh bơngai kloh klĕch gah tơdrong tanh brong jak. Dôm tơmam drăm mă ƀok Buk tanh đei 'măn yua lơ̆m unh hnam nhen hơkă, kơđum kơđŏng... Mă kăl, hơkă đei tanh blit 'lơ̆ng ƀenh kơ um ai kon Bahnar mă ƀok Buk tanh hlôi đei lơ bơngai răt yua lơ̆m păng 'nguaih kơ dêh char hưch lăp chih măt răt yua. Ah năr hơtuch sơnăm Giáp Thìn, bơngai chih kơtơ̆ng ang ăn Rađiô nơ̆r pơma Việt Nam tơ̆ Tây Nguyên đei pơma dơnuh hăm ƀok Buk gah tơdrong vei răk tơƀăk mong juăt jue kơ kon pơlei po kơdih.

VOV4.Bahnar – Ah mă tơdrong tĕch răt Têt hăt hot, adoi jing khei năr anih tơm " ‘nhĕm rơmo sơ̆k minh năr” Krông Pa, dêh char Gia Lai hlôi hram ƀenh hơyuh ƀâu phu Têt. Đơ̆ng tơmam xa juăt jue kơ kon pơlei Jarai, tơmam xa kăp gĭt âu hlôi yak lĕch đơ̆ng tơring "tŏ hlơ hlĕng" Krông Pa, jing tơmam xa Têt păng tơmam Têt, đei lơ bơngai lŭ lăp.

VOV4.Bahnar - Lơ̆m năr Tết Nguyên đán Ất Tỵ, kŭm hăm lơ tơdrong jang joh ayŏ, kơdŏ soang ‘lơ̆ng hơiă, dêh char Đắk Lắk gô pơgơ̆r prăh kơ mlăi pơkao tơ̆ 5 hơnih ‘noh jĭ pơlei tơm Buôn Ma Thuột păng dôm apŭng Ea H’Leo, Krông Buk, Krông Ana, Ea Kar.

VOV4.Bahnar – Kơhrĕng kơsơ̆p hla ar tơroi đei ming pơdă tơ̆ Năr Hla ar tơroi Pơyan Puih mak dêh char Đắk Lắk pơih pơgơ̆r pơgê brei (21/1) tơƀôh trŏ hăm jơhngâm đon lơ̆m Chăl jang tŏk đơ̆ng hơdrĕch hơdrung.

VOV4.Bahnar – Lơ̆m tơdrong hơrih rim năr, bơngai Bahnar hơnơ̆ng ƀlŏk nơ̆r pơma: “Athei kŭp yom kơ mĕ ƀă nhen măt khei, kŭp yom kơ yă ƀok nhen măt 'năr”, tơdrong mă 'noh ăn ƀôh, kon pơlei tơgĭt hăm tơdrong ƀlŏk bơnê kơ tơdrong rong 'me. Rim bơngai kon Bahnar ah tih vơ̆ djơ̆ 'lơ̆ng, đei unh om adoi băt truh tơdrong pơgơ̆r khôi et xa ƀlŏk bơnê kơ mĕ ƀă. 'Nâu jĭ 'măng vă rim bơngai kon băt pôk bơnê, kŭp yom kơ mĕ ƀă, pôk bơnê kơ tơdrong ma ưmĕ ƀă hlôi pơjing păng rong 'me, hơpơi 'meh yang hơpang asong ăn mĕ ƀă grăng pran ling lang.

VOV4.Bahnar – 'Nhot ka pơ-iŭ jĭ minh tơmam xa juăt jue đơ̆ng kră sơ̆ kơ kon pơlei Giẻ Triêng tơ̆ tơring teh Tây Nguyên pơma hơtŭm. Hăm kon pơlei Giẻ Triêng gah tơring teh Quảng Nam, ka iŭ jĭ minh 'nhot xa tơm, mă kăl noh ưh gơh kơƀah lơ̆m rim 'măng et xa. 'Nhot ka pơ-iŭ kơ bơngai Giẻ Triêng hlôi jing tơmam xa 'lơ̆ng phara kơdih, ƀenh kơ tơdrong joh ayŏ kon kông tơ̆ tơring.

VOV4.Bahnar - Oei chĕp vei lơ tơdrong juăt ‘lơ̆ng đơ̆ng sơ̆ kơ kon pơlei Thái, hơdai hăm cham char bri brăh ‘lơ̆ng rŏ, plei Khá, xăh Sập Vạt, apŭng Yên Châu (Sơn La) hlôi păng tŏk bŏk đei tơlĕch jên jang vă tưk tơiung trong jang chă tơmang lăng lơ̆m tơpôl hơdai hăm pơjing tơring tơrang ‘nao. ‘Nâu jĭ 1 lơ̆m dôm anih truh tôch hơiă hăm tơmoi mưh năm chă tơmang lăng tơ̆ Sơn La – Tây Bắc.

VOV4.Bahnar – Pơgê 'năr brei (16/1), Anih Joh ayŏ, Tơplŏng kơdâu păng Tơmang pơhiơ̆ Đak Lăk pơm lêh pơjao chĭng chêng, hơbăn ao tanh, kơmăi kơmŏk, brŏ âu ăn kâu lak ƀô̆ păng khul joh ayŏ kơdŏ suang tơring kon kông lơ̆m dêh char.

VOV4.Bahnar – Kơsơ̆ năr 14/1, apŭng Tu Mơ Rông, dêh char Kon Tum hlôi pơm lêh tơbang pơlei tơmang pơhiơ̆ cham char Tu Thó, xah Tê Xăng. 'Nâu jĭ pơlei asong oei 'nao kơ kon pơlei Xơ Đăng păng jĭ pơlei tơmang pơhiơ̆ cham char mă blŭng tơ̆ tơring pơtăm sâm Ngọc Linh Kon Tum.