Hăm hơnăn “Jơva chĭng chêng Tây Nguyên – Đông Nam Á akŏm dih băl”, ‘măng pơgơ̆r hơvơn đei 12 khul tôn chĭng chêng đơ̆ng Gia Lai, Dak Lăk, Lâm Đồng, mĭnh ƀar dêh char găh Tu atŭm hăm rim Khul jŏh ayŏ kơdŏ soang Thái Lan, Lào păng Malaysia. Tơdrong pơgơ̆r ou vă Pôk pơ ư tơdrong tôn ching chêng Tây Nguyên-muk drăm jŏh ayŏ kơdŏ soang gĭt kăl dăr sơnăm kơ kon char gơmar, adoi tơƀôh tơbăt tơdrong oei sa ‘lơ̆ng rŏ păng tơdrong tơmang pơhiơ̆ kơ dêh char Lâm Đồng.

Kiơ̆ đơ̆ng ƀok Đinh Văn Tuấn - Kơ iĕng Kơdră chĕp pơgơ̆r Hơnih vei lăng kon pơlei dêh char Lâm Đồng, rim tơdrong pơgơ̆r đei pơgơ̆r hrơ̆p mĭnh ‘măng tơ̆ 3 tơring git kăl “rơbou pơkao”” Đà Lạt, “đak dơsĭ glơch glach” Bình Thuận păng “bri kông kơdrơ̆ng” Dak Nông. Tơdrong pơgơ̆r ou vă lăng truh ‘măng pơgơ̆r Festival tôn Chĭng chêng joăt joe 2 sơnăm mĭnh ‘măng, tơgop vei răk tơƀăk mong muk drăm joh ayŏ gĭt kăl, pơtrŭt kơtang mơ̆t lĕch dih băl tơdra joh hơsoang Đông Nam Á păng sơkơ̆t hơdăh hơnih dơ̆ng Lâm Đồng - Groi teh akŏm, lang să tơdrong oei sa ‘lơ̆ng rŏ Tây Nguyên lĕch năm tơ̆ apŭng plĕnh teh.