VOV4.Bahnar – Bơngai Ê Đê tơ̆ Đăk Lăk đei lơ ‘nhot xa kăp gĭt đei pai đơ̆ng ‘nhot bri tăp dăr pơgar. Lơ̆m noh, ‘nhot pai đơ̆ng rang yông đei lăng jing kăp gĭt hloh. ‘Nâu jing pơkao ưh hơdrô̆ guăng ‘lơ̆ng păng ƀâu phu mă đei pơjing tơmam drăm xa kăp gĭt hơdrô̆ đei tơ̆ dôm pơlei pơla Dak Lak.

VOV4.Bahnar - ‘Năr 22/3, tơ̆ Buôn Ma Thuột, dêh char Đắk Lắk pơgơ̆r Tơdrong pơjei băl đă ƀŏng lŏng, tơplŏng kơdâu kơ dôm Anih vei lăng choh jang xa păng atŏk tơiung tơring tơrang găh Tơring Đông Nam ƀô̆ păng Tây Nguyên.

VOV4.Bahnar - Ƀlep ƀơ̆t tơbăt 20 sơnăm năr pơjing dơ̆ng, pơgê 22/3, Anih vei lăng kon pơlei dêh char Dak Nông jang hơdai hăm Anih vei răk kơ Teh đak II pơgơ̆r Pơih blŭng pơdă tơƀôh “Jơhnơr arih jang đei, dôm jơnei chĭnh trĭ, mŭk drăm, joh ayŏ, tơpôl, sơđơ̆ng, khŭl lĭnh kơ Dak Nông lơ̆m 20 sơnăm”.

VOV4.Bahnar – Anih jang vei lăng kon pơlei apŭng Sa Thầy jang atŭm hăm Anih Joh ayŏ, Tơplŏng kơdâu păng Tơmang pơhiơ̆ dêh char Kon Tum pơgơ̆r tơdrong Pơlong păr yu pơih să “Hơlen băt tơring teh să - Sa Thầy 2024”.

VOV4.Bahnar - Mir pơgar bri Teh đak Chư Mom Ray, dêh char Kon Tum tŏk bŏk atŏk kơtang tơdrong tơmơ̆t jên jang atŏk tơ iung tơmang pơhiơ̆ cham char. ‘Nau jĭ trong iung jang kơ Mir pơgar bri vă pơm sơđơ̆ng kon jên hu tơgŭm ăn bơ̆ jang vei lăng năng tông bri kơdrơ̆ng đei lơ bri ‘long hloh rim Mir pơgar bri teh đak lơ̆m teh đak.

VOV4.Bahnar – Kơmăng ‘năr brei (18/3), Anih jang đoan dêh char Đăk Lăk pơgơ̆r tơdrong akŏm tơbăt 93 sơnăm Năr tơ-iung pơjing Đoan hơdruh tơdăm CS Hồ Chí Minh păng tơlĕch tơdrong pơlong sơng kơkuh tơbăt 120 sơnăm Năr tơ-iung pơjing dêh char Đăk Lăk hăm lơ tơchơ̆t hơdah.

VOV4.Bahnar - “ ‘Meh vă plang ăn-Tơdrong hơrih kơ hơdruh tơdăm" ‘noh hơnăn hop akŏm kơ yuơ Hơnih Đoàn dêh char Dak Lăk iung jang hơdoi hăm Khul chih pơcheh tơdrong joh hơri, tơdrong tơroi hle pơgơ̆r pơgê brei (18/3) tơ̆  Đường sách Cà phê Buôn Ma Thuột.

VOV4.Bahnar – Tơchĕng lơ̆m ‘măng tơbăt 20 sơnăm tơ-iung pơjing dêh char Đăk Nông pơgơ̆r ah hơtuch giĕng âu, kơsô̆ tơmoi năm truh dêh char âu gô tŏk lơ.

VOV4.Bahnar – Che tanh jing minh lơ̆m dôm tơmam drăm joh ayŏ kăp gĭt kơ bơngai Jarai tơ̆ dêh char Gia Lai, mă lei tŏk bŏk ƀơm hiơt hiong. Lơ̆m tơdrong noh, lơ ngê̆ nhơ̆n hlôi vei răk tơƀăk mong che tanh kiơ̆ tơdrong hơgei kơdih, pơjing đei hơbăn ao tanh ‘lơ̆ng đei lơ bơngai răt yua. Kiơ̆ đơ̆ng noh, bơngai Jarai đei iŏk yua sơđơ̆ng, păng gơh vei răk tơƀăk mong tơdrong joh ayŏ ‘lơ̆ng rŏ kơ hơdrung hơdrĕch kon kông po.

VOV4.Bahnar – Pơlei Kuốp, xah Dray Sáp, apŭng Krông Ana jing pơlei tơmang pơhiơ̆ mă 3 kơ dêh char Đăk Lăk ‘nao đei tơbang ah pơgê năr 15/3.