VOV4.Bahnar – Jô̆ truh ‘năr 15/5, lơ̆m dêh char Gia Lai đĭ man păng pơm hơmet ming 7.424 tŏ hnam hiăh hiok, iŏk đei 91% nơ̆r hơgăt. 

VOV4.Bahnar - Ƀlep ƀât tơbăt 135 sơnăm năr rơnĕh Ƀok Hô (19/5/1890-19/5/2025), gơmăng hei, 15/5, Tổng Bí thư Tô Lâm truh pơm lêh pơih blŭng Lêh Pơlei Sen 2025 păng et hơtŏk rup man “Ƀok Hô vih ngôi tơ̆ pơlei” tơ̆ xăh Kim Liên, apŭng Nam Đàn, dêh char Nghệ An.

VOV4. Bahnar - Hloh pơđăm jĭt sơnăm tơchă akŏm tơmam drăm kăl kơ Ƀok Hô, ƀok Nguyễn Đình Phong, oei tơ̆ thôn Tân An, tơring Quảng Thanh, apŭng Quảng Trạch, dêh char Quảng Bình hlôi đei tơmam drăm pơsư̆ hloh 3.000 hlak rup, ƀai chih, tơmam drăm gĭt kăl găh Kơdră chĕp pơgơ̆r teh đak Hồ Chí Minh kơ rim jăl jang. Vă jê̆ truh năr tơbăt 135 sơnăm năr rơneh Ƀok Hô ‘mêm kơ eng, ƀok Phong hơmet pơ ‘lơ̆ng, hơnhăk tơmam drăm pơsư̆ năm pơdă găh lăm “hơnih mong răk iĕ” kơ dih ƀok vă rim bơngai chă tơmang lăng, hlôh vao găh Ƀok Hô.

VOV4.Bahnar - Ƀlep lơ̆m năr tơbăt 135 sơnăm năr rơneh Ƀok Hô, Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆ pơgơ̆r Joh ayŏ kơdŏ soang gĭt kăl hăm hơnăn: “Tơmam hơpăh khei 5 pôk ăn kơ Ƀok”.

VOV4.Bahnar – Hăm bơngai Jrai, tơdrong peh ƀa kơyuơ đe drăkăn iŏk jang. Đe sư hơnơ̆ng peh ƀa vă đei phe mah pai xa lơ̆m minh năr dah mă minh ƀar năr. Hrei ou, mă hlôi đei kơmăi ot ƀa mă lei lơ unh hnam bơngai Jrai adoi oei peh ƀa hăm tơmam juăt jue noh hơdrei păng hơpăl (tơpăl).

VOV4.Bahnar – Lơ̆m dôm tơdrong akŏm joh ayŏ, tơmang pơhiơ̆, giĕng ou ki, kon pơlei păng tơmoi truh Đăk Lăk đei hơlen băt gah joh ayŏ kon pơlei Lào păng vang akŏm khôi săi đak kơ bơngai Lào lơ̆m tơring kơ pơlei tơm Buôn Ma Thuột.

VOV4. Bahnar - Akŏp lơ̆m jơ ‘năr pơdơ̆h lêh đunh 5 năr ou ki, tơmoi năm tơmang pơhiơ̆ tơ̆ apŭng Kon Plông, dêh char Kon Tum iŏk đei 55.000 ‘nu.

VOV4.Bahnar – Lơ̆m dôm tơdrong akŏm joh ayŏ, tơmang pơhiơ̆ lơ̆m 'măng pơdơh năr 30/4 păng năr 1/5, pơgê 'năr brei (4/5), kon pơlei păng tơmoi truh Đăk Lăk đei hơlen băt gah joh ayŏ kon pơlei Lào păng vang akŏm lêh săi đak kơ bơngai Lào tơ̆ pơlei tơm Buôn Ma Thuột.

VOV4.Bahnar – Hăm tơdrong hơpơi 'meh vei răk tơƀăk mong joh ayŏ vă hơtŏk kơjăp sơđơ̆ng, lơ̆m dôm sơnăm ou ki, tơ̆ dêh char Gia Lai, kon pơlei Jarai tŏk bŏk 'lăn thĕng vei răk tơƀăk mong dôm kơjă joh ayŏ juăt jue kơ kon pơlei po. Atŭm hăm 'noh, jơnŭm pơgơ̆r tơring adoi tơgop jơhngơ̆m, hăm dôm tơdrong jang tơpă, vă joh ayŏ Jarai pơma hơdrô̆, joh ayŏ juăt jue kơ rim kon kông lơ̆m dêh char pơma hơtŭm, roi năr roi đei hơtŏk păng pơlan să jơ̆p jang hloh.

VOV4.Bahnar – Ƀơ̆t pơdơh lêh 30/4 păng năr 1/5 sơnăm ou, tơ̆ Đăk Lăk, tơmoi gơh akŏm chă “tơƀang lăng Buôn Đôn đơ̆ng kơpal kơjung” lơ̆m Năr akŏm khinh khĭ kầu păng akŏm lơ tơdrong joh ayŏ, tơmang pơhiơ̆ ‘lơ̆ng hơ-iă.