VOV4.Bahnar – Giĕng joh ayŏ - tơmang pơhiơ̆ Điện Biên păng rim dêh char Tây Bắc tơ̆ pơlei tơm HCM hlôi pơtơm ah kơmăng ‘năr brei hăm lơ tơdrong akŏm joh ayŏ, tơroi kơ hnưr hơrih, tơmang pơhiơ̆, ƀrông ƀrang hăm lơ um ai ‘lơ̆ng rŏ.

VOV4.Bahnar - Xah Tú An jing minh lơ̆m dôm xah đei jơnei hơlâu tơchơ̆t tơring tơrang ‘nao tơ̆ thĭ xah An Khê, dêh char Gia Lai. Tơdrong hơrih ‘nao, mă lei tơdrong joh ayŏ kăp gĭt kơ kon pơlei Bahnar tơ̆ âu adoi đei vei răk tơƀăk mong. Đe ngê̆ nhơ̆n kơ kâu lak ƀô̆ tanh brai Tú An hlôi tơgop hơtŏk tơdrong tanh brai kơ kon pơlei Bahnar. Lơ̆m noh đei yă Đinh Thị Hà tơ̆ pơlei Pơnang.

VOV4.Bahnar – Lơ̆m pơkăp Năr akŏm Joh ayŏ, Tơplŏng kơdâu păng Tơmang pơhiơ̆ hơdrung kon kông Tây Nguyên ‘măng mă 1 sơnăm 2023, tơ̆ pơlei tơm Kon Tum, dêh char Kon Tum hlôi pơgơ̆r lơ tơdrong tơbang gah tơmam xa hơdrung kon kông tơring Tây Nguyên.

VOV4.Bahnar - Đơ̆ng rŏng 3 năr pơgơ̆r ‘lơ̆ng rŏ hơbŏ nhen tơdrong oei sa joh ayŏ rim hơdrung tơring Tây Nguyên, gơmăng hei (1/12), tơ̆ Cham să 16/3, pơlei tơm Kon Tum, dêh char Kon Tum, Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ hlôi pơgơ̆r Pơm lêh pơtôch-Hơlen pơtôch Năr lêh Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ rim hơdrung tơring Tây Nguyên ‘măng mă I sơnăm 2023.

VOV4.Bahnar - Tơdrong et jur xa ƀa ‘nao kơ bơngai Bru- Vân Kiều tơ̆ xăh Ngân Thủy, apŭng Lệ Thủy, dêh char Quảng Bình ‘nao đei Anih tơm vei lăng jŏh ayŏ kơ dŏ xoang, tơplŏng kơdâu păng chă tơmang lăng, năng jĭ Tơmam jŏh ayŏ kăp gĭt kơ teh đak. Đơ̆ng rŏng kơ ‘nŏh, dêh char Quảng Bình hlôi tơlĕch lơ trong jang vă chĕp vei, tưk tơiung dôm kơjă kăp gĭt đơ̆ng sư tơ̆ tơring. Chĕp vei păng atŏk tơiung tơdrong Et jur xa ƀa ‘nao kơ bơngai Bru - Vân Kiều tơklep hăm atŏk tơiung chă tơmang lăng gô tơgop pơm hơtŏk tơdrong arih xa găh mŭk drăm, jŏh ayŏ kơ dŏ xoang ăn kon pơlei tơ̆ tơring bri kông Trường Sơn.

VOV4.Bahnar - Pơgê năr 29/11 tơ̆ Cham să 16/3, pơlei tơm Kon Tum, Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ pơgơ̆r blŭng a rim tơdrong pơgơ̆r joh ayŏ kơdŏ soang, đă ƀŏng lŏng tơplŏng kơdau păng tơmang pơhiơ̆ rim hơdrung tơring Tây Nguyên.

VOV4.Bahnar - Kơsơ̆ brei (29/11), năm dăr lăng bơ̆ jang hơmet ăn Pơm lêh pơgơ̆r blŭng a năr lêh Jŏh ayŏ kơdŏ soang, Đă ƀŏng lŏng tơplŏng kơdau păng Tơmang pơhiơ̆ rim hơdrung tơring Tây Nguyên ‘măng mă I sơnăm 2023 tơ̆ Cham să 16/3, pơlei tơm Kon Tum, dêh char Kon Tum, Đại tướng Tô Lâm, Kơdră jang lơ̆m Hơnih tơm Chinh trĭ Ƀô̆ trơng Hơnih tơm Kŏng ang hlôi vang năm lăng tơdrong pơgơ̆r tôn chĭng chêng Tây Nguyên păng pôk ăn Radiô ăn 100 ‘nu nghê̆ nhân dêh char Kon Tum.

VOV4.Bahnar - Tơ̆ plt Đà Lạt (Lâm Đồng), Tơdrong thi phim Việt Nam ‘măng mă 23 hlôi pơgơ̆r pơtôch păng hơpăh đang tơmam.

VOV4.Bahnar – Sơnăm âu tŏk jê̆ 70 sơnăm, mă lei ngê̆ nhơ̆n Kpă Huăt (đe juăt krao Ơi Sêna), tơ̆ pơlei Ama Djơng, kueng 9, phương Đoàn Kết, thĭ xah Ayun Pa, dêh char Gia Lai adoi oei hăt hot hăm tơdrong chrah mul meo. Hăm tơpang hơbĕch hơbal ƀok hlôi chrah đei lơ tơmam drăm joh ayŏ đơ̆ng ‘long hram ƀenh um ai joh ayŏ kăp gĭt kơ bơngai Jarai.

VOV4.Bahnar - Lơ̆m jơ năr pơ gơ̆r pơlong phim Việt Nam ‘măng mă 23, ‘năr 23/11, tơ̆ pơlei tơm Đà Lạt, Anih vei lăng phim (Anih tơm vei lăng joh ayŏ, tơplŏng kơdâu păng tơmang lăng) jang hơdai hăm Anih vei lăng joh ayŏ tơplŏng kơdâu păng tơmang lăng dêh char Lâm Đồng pơgơ̆r Hop akŏm “Mĭnh ƀar tơdrong tơm lơ̆m pơjing kơmăy kơmŏk phim Việt Nam”.