Tơring Nhơn Lý đei lơ tơmam tơmang lăng đak dơsĭ yua kơ đei iŏk yua lơ kơjă kăp gĭt joh ayŏ ‘lơ̆ng hơiă nhen lêh ‘meh vă jang ka đei lơ Xương Lý, Hơnih soi Nam Hải kŭm hăm dôm tơdrong ‘lơ̆ng hơiă găh cham char, tơpôl. Vă tơlĕch jang đei yua tơdrong jang tơnŏk ka hơdai hăm tơmang lăng, Anih vei lăng kon pơlei dêh char Gia Lai athei rim tơring, anih jang ƀơm truh jang hơdai dăr hơlen, hơmet ming proh hơmet kiơ̆ trong vă jang hơtŏk tơiung atŭm.

Mă hơdăh, Anih vei lăng găh Joh ayŏ, Tơplŏng kơdâu păng Tơmang lăng pơgơ̆r athei hơmet ming trong vă jang, hơdai hăm jang hơdai pơjing dôm tơmam tơmang lăng tơ̆ Nhơn Lý, Nhơn Hải kiơ̆ trong iŏk jang kơjă kăp gĭt joh ayŏ pơlei jang ka hơdang păng lêh kon pơlei jang ka. Anih vei lăng găh Choh jang sa păng Cham char dăr hơlen trong vă jang proh hơmet tơnŏk ka, tơchĕng hơlen tơdrong jang tơnŏk ka hơdai hăm tơmang lăng lơ̆m đunh đai, tơlĕch trong jang vei lăng, iŏk jang trŏ lăp. Anih vei lăng găh Ming man dăr hơlen proh hơmet pơjing, vei sơđơ̆ng hrơ̆ch anih jang kăl.