Tơ̆ tơring gah Pơmơ̆t kơ dêh char Đăk Lăk, tơdrong joh ayŏ đei pơdah ah cham kơ Hơnih jang Joh ayŏ - Tơmang pơhiơ̆ dêh char, đei pơkăp lơ̆m 3 apăng: Đon lui kơ năr akŏm tih, Đăk Lăk – Tơdrong hơri pơ-ư pơ-ang păng hơpơi 'meh hơtŏk tơ-iung. Hăm dôm tơdrong hơri hơsuang lơ tơdrong, tơdrong pơdah tơƀôh dơ̆ng gah tơdrong sô̆ hơ-iă kơ teh đak, hơ-'nguơ̆u sơnong kơ jang Đảng, Kuô̆k hô̆i păng tơdrong kăp gĭt kơ 'măng pôk rơih. Tơdrong joh ayŏ Tây Nguyên đei pơdah kăp gĭt hăm dôm tơdra hơri hơsuang atŭm hăm tơdra chĭng chêng, um rup pơlei pơla, bri kông păng tơdrong hơpơi 'meh hơtŏk tơ-iung kơ tơring teh.

Atŭm jơ noh, tơ̆ tơring gah Hơlĕch kơ dêh char, minh tơdrong joh ayŏ kơdŏ suang kăp gĭt adoi đei pơgơ̆r tơ̆ Cham să Phú Yên, phương Tuy Hòa, pơjing tơdrong akŏm chơt hơ-iă ăn kon pơlei tơ̆ tơring, sơkơ̆t hơdah tơdrong tơguăt tơguăl, atŭm jơhngơ̆m pơjing dêh char Đăk Lăk roi năr roi hơtŏk tơ-iung.