Tơdrong pơlong pơgơ̆r truh năr 21/3, akŏm 8 khŭl đă ƀŏng lŏng drŏ kăn tơring Tây Nguyên păng tơ ter đak dơsĭ Pơbah Tŏk bŏk, ‘noh đei dôm khŭl Ea Păl, Ea Knốp (dêh char Đăk Lăk); dôm khŭl Đak Đoa, Jarai (dêh char Gia Lai) atŭm hăm 4 khŭl đơ̆ng dôm anih jang tơ̆ Quảng Ngãi, Gia Lai găh Binh đoàn 15. Dôm khŭl pơlong pơjei kơ luăi đă ƀŏng lŏng 7 ‘nu, klăih asong kơluăi, rơih khŭl đă pran, rơgei hloh mơ̆t đă pơtôch.

Tơdrong hơ-iă đơ̆ng tơdrong pơlong ‘noh jĭ tơdrong vang akŏm đơ̆ng dôm đe drŏ kăn đă kơ lơ hơdrĕch kon kông, nhen Ê Đê, Jarai, Ba Na, Rơ Măm, Xơ Đăng, Tày, Nùng, Thái…Tơdrong pơlong ‘noh jĭ ‘măng hơtŏk loi dơ̆ng tơƀơ̆p băl, vei kơjăp tơdrong tơguăt tơguăl đơ̆ng rim tơring păng tơpôl bơngai kon kông tơ̆  Tây Nguyên.