Kiơ̆ kơ Anih vei lăng kon pơlei dêh char Gia Lai, lêh pơgơ̆r pơih blŭng đei pơih pơdăh kơtă lơ̆m tivi, pơih hơdai hăm dôm anih pơre nơ̆r - pơdăh tivi jơ̆p lơ̆m teh đak. Tơdrong hơiă đơ̆ng tơdrong jang ‘noh jĭ hơnih pơm pơrŏ tôch kơ ‘lơ̆ng, đei pơm tôch kơ hơlen kiơ̆ 4 tơdrong joh ayŏ kơdŏ soang, pơm tơƀôh dơ̆ng tơdrong jang đơ̆ng bri kông Tây Nguyên truh tơring đak dơsĭ. ‘Moi kiơ̆ tơdrong pơm hơnih lăng hơdai hăm hơri hơsoang păng kơmăy re ‘nao, tơdrong jang tơƀôh hơdăh ‘lơ̆ng um rup joh ayŏ - jơhnơr hơrih gĭt kăl đơ̆ng bri kông. Tơdrong tôn chĭng chêng Tây Nguyên mơ̆t hơdai hăm tơdrong hơiă kơ bri kông, nuih mơng kơ Tây Sơn đei pơm tơƀôh dơ̆ng tôch kơ hơiă, pôk pơ ư tơdrong joăt joe nuh mơng đơ̆ng tơring teh ƀyoh.

Kiơ̆ kơ Anih vei lăng kon pơlei dêh char Gia Lai, tơdrong jang ưh khan lăp jing lêh pơgơ̆r pơih blŭng hmă mă oei jing tơdrong kăl tơgoăt hơdai tơmam tôn reh - tơmang lăng - joh ayŏ, tơgop roi tơƀôh um rup tơring teh, kon bơngai Gia Lai păng tơring tơter đak dơsĭ tơring Tŏk bŏk - Tây Nguyên.