VOV4.Bahnar - Đơ̆ng dôm chăl kră sơ̆, chĭng chêng ưh lăp jing tơmam tôn đĕch, mă oei jing tơmam tơƀôh hơdăh tơdrong juăt ‘lơ̆ng, tơklep kơjăp hăm tơdrong arih xa păng lui kơ yang đơ̆ng kon pơlei kon kông Tây Nguyên, lơ̆m noh đei bơngai M’Nông tơ̆ Đắk Nông. Lơ̆m tơdrong arih xa chăl ‘nao, hăm lơ tơdrong athei pơngơ̆t truh, bơngai M’Nông tơ̆ groi kông Đắk Nông oei vei kơjăp jơva chĭng chêng. Jơva chĭng chêng dang ei ưh lăp 1 păh tôch gĭt kăl lơ̆m jơhnơr arih, jŏh ayŏ kơ dŏ xoang đĕch mă oei jing tơlei tơguăt rim tơpôl, ưh jô̆ hơdrĕch bơngai kiơ tơ̆ groi teh đei hlŏh 40 hơdrĕch hơdrung oei arih xa hơdai âu.  

VOV4.Bahnar – Hăm khei năr tơplih tenh đơ̆ng tơdrong hơrih 'nao, tơ̆ pơlei Knia, xah Ea Tul, apŭng Cư M’gar, dêh char Đăk Lăk adoi oei ang bang tơdra juăt jue kăp gĭt: jơva không tanh brai Êđê. Bơngai hăt hot tơ-oei ah không tanh brai noh ngê̆ nhơ̆n H’Jih Ayun. Nơ̆r re đơ̆ng không tanh noh nhen lĕ tơdra kơ khei năr, jing tơdrong joh ayŏ, jing pơhngol kơ bơngai Êđê đei rơih akŏm kiơ̆ jơhnơr bơngai.

VOV4.Bahnar - Tơ̆ plt Pleiku, Gia Lai ‘nao pơgơ̆r Lêh pơjao hla ar hô sơ kăn ƀô̆ vang năm tơblăh sơ̆ oei krao ‘nŏh năm B păng pơgơ̆r Pơdă tơmam đei hơnăn 50 sơnăm rơngei, pơjing đei mĭnh teh đak kơjăp ‘lơ̆ng:”Yak tŏk đơ̆ng groi teh Bazan”. ‘Nâu jĭ tơdrong chinh trĭ – jŏh ayŏ kơ dŏ xoang gĭt kăl, tơƀôh hơdăh jơhngâm đon băt bơnê tôch ai, chih răk kŏng tih tên đơ̆ng jơhnơr vang iung tơblăh iŏk rơngei hơdrĕch hơdrung, atŭm hăm ‘nŏh tưk tơiung dơ̆ng jơhngâm đon ‘mĕh vă pơjing păng jang tŏk teh đak lơ̆m chăl ‘nao.

VOV4.Bahnar – Pơm kiơ̆ dôm tơdrong pơkăp sơng tơbătt Năr săch păng tơdrong đŏk săch Việt Nam 'măng mă 4, tơ̆ Đăk Lăk pơgơ̆r lơ tơdrong jang tơbang săch păng asong hơtuh săch ăn hŏk tro dôm tơring tơnap tap lơ̆m dêh char...

VOV4.Bahnar - 50 sơnăm đơ̆ng rŏng năr pơjing đei 1 teh đak kơjăp ‘lơ̆ng, tơdrong chih văn, čhơ̆ um rup Đắk Lắk hlôi tơƀôh hơdăh anih dơ̆ng ‘nŏh jĭ gơng tơƀưh chăl so hăm chăl hle, đơ̆ng tơdrong juăt ‘lơ̆ng kơ hơdrĕch hơdrung păng tơdrong jang tŏk lơ̆m chăl ‘nao. Dôm tơdrong jơnei đơ̆ng chih akŏm, chĕp vei, pơm hơtŏk kơjă kăp gĭt đơ̆ng joh ayŏ kơ dŏ xoang so kŭm hăm dôm tơdrong pơchĕh ‘nao hlôi pơm pơ ‘lơ̆ng hlŏh dơ̆ng jơhngâm đon ‘mêm băt, ƀĕnh um ai ‘lơ̆ng hơiă vang tơgop tưk tơiung loi dơ̆ng tơdrong jŏh ayŏ kơ dŏ xoang kơ tơring Tây Nguyên.

VOV4.Bahnar – Têt juăt jue Bunpimay jĭ minh lơ̆m dôm tơdrong akŏm joh ayŏ kăp gĭt hloh lơ̆m sơnăm kơ kon pơlei Lào. Tơ̆ apŭng sơlam teh Buôn Đôn, dêh char Đăk Lăk, kon pơlei Lào 'nao pơgơ̆r Têt Bunpimay hăt hot, sô̆ hơ-iă sơng sơnăm 'nao kiơ̆ Phơ̆t lĭch, pơlan să joh ayŏ kăp gĭt păng tơƀôh tơdrong tơguăt tơguăl.

VOV4.Bahnar - Lơ̆m dôm tơdrong jang vă hơiă kơ 50 sơnăm Năr tơblăh iŏk rơngei tơring Pơbăh, pơjing đei 1 teh đak kơjăp ‘lơ̆ng (30/4/1975 – 30/4/2025) păng 79 sơnăm Năr Ƀok Hô gơih Kơthơ ăn Hop akŏm dôm hơdrĕch kon kông tơ̆ tơring Pơbăh pơgơ̆r tơ̆ Plei Ku (19/4/1946 – 19/4/2025), dêh char Gia Lai ‘nao pơgơ̆r Năr jŏh ayŏ kơ dŏ xoang kơ dôm hơdrĕch kon kông ‘măng mă IV. 800 ‘nu ngê̆ nhơ̆n dơ̆ng tang ăn dôm hơdrĕch kon kông arih xa tơ̆ dêh char Gia Lai, tôn chĭng, hơri hơxoang tôch hơiă lơ̆m năr pơchơt.

VOV4. Bahnar - Năr 14/4/2025, Hơnih tơm vei lăng Joh ayŏ kơdŏ soang, Đă ƀŏng lŏng tơplŏng kơdou - Tmang pơhiŏ tơlĕch Tơdrong tơchơ̆t kơsô̆ 1014 găh hơmet ming hơnih gru gra gĭt kăl dăr sơnăm teh đak hơgơ̆p C3, C4 găh hơgơ̆p kông tơmo Krông Nô, dêh char Dak Nông. ‘Nou ji hơnih mă 3 lơ̆m Cham groi teh plei teh UNESCO Đắk Nông đei pơjing jing hơnih gru gra gĭt kăl dăr sơnăm.

VOV4.Bahnar - Tơ̆ pơlei tơm Pleiku, Hơnih bơ̆ jang Nô̆i vŭ dêh char Gia Lai iung jang hơdoi hăm Hơnih tơm Mong răk mŭk drăm Teh đak II pơgơ̆r pơm lêh pơdreo hô sơ kang ƀô̆ năm jang B păng pơgơ̆r blŭng a pơdă dôm hla bơar mong răk hăm hơnăn “50 sơnăm pơm tơm kơdih, Teh đak rơngei hiôk hian: Atŏk tơ iung groi teh Bazan”.

VOV4.Bahnar - Hăm hơnăn “Kŭm hăm kơsơ̆p hla ar yak mât lơ̆m chăl jang tŏk đơ̆ng hơdrĕch hơdrung”, Năr Kơsơ̆p hla ar păng tơdrong juăt đŏk hla ar kơ dêh char Đắk Lắk ‘măng mă 4 đei pơgơ̆r pơgê ‘năr 17/4.