VOV4.Bahnar – Ngê̆ nhơ̆n Y Beo, bơngai Bahnar, oei tơ̆ pơlei Kon Klor, phương Kon Tum, dêh char Quảng Ngãi, dăp đon dăp bơnôh hăm tơdrong joh ayŏ kră sơ̆. Yă hơnơ̆ng năm truh tôm tơdrong akŏm joh ayŏ păng kơchăng chă pơtho hơri brông, tanh brai ăn đe sơnăm mơlôh. Mă hloh 70 sơnăm bơih, mă lei ngê̆ nhơ̆n Y Beo adoi oei băt hơdah dôm tơdra hơri kră sơ̆ kơ kon pơlei Bahnar.

VOV4.Bahnar – Kră pơlei K’ Keo jĭ bơngai đei kon pơlei lui yom tơ̆ thôn Hàng Làng, xah Di Linh, dêh char Lâm Đồng. Ƀok hơnơ̆ng yuk hơlou lơ̆m tôm tơdrong jang vei răk tơƀăk mong joh ayŏ juăt jue, hơtŏk mŭk drăm păng hơvơn kon pơlei tơguăt tơguăl pơjing tơdrong hơrih 'nao.

VOV4.Bahnar - Bơngai Cơ Tu tơ̆ dôm xăh groi kông kơ plt Đà Nẵng hlôi jang đei ‘lơ̆ng 1,2 trong jang chă tơmang lăng homestay, chă tơmang lăng lơ̆m tơpôl sơng đei lơ bơngai truh tơmang lăng.

VOV4.Bahnar – Vă tưk tơiung tơdrong chă tơmang lăng đơ̆ng 2 teh đak Việt Nam păng Nhật Bản, tơ̆ Hà Nội, Anih tơlĕch trong chă tơmang lăng Nhật Bản pơgơ̆r “Hop akŏm tơguăt trong tĕch mơdro hơdai hăm chă tơmang lăng Nhật Bản sơnăm 2025”.

VOV4.Bahnar – Lơ̆m năr brư̆ (dah mă đe oei krao Pơ Thi) kơ bơngai Jarai tơ̆ Tây Nguyên, đei minh khôi kăp gĭt đei kon pơlei gô chang lơ hloh noh Kiĕk trôk. Bơngai Jarai krao noh Bram. ‘Nou adoi jing tơdrong pơm brêm kăp gĭt, bơngai hơrih pơm brêm kiơ̆ trong pik trôk jơ̆p hơkou jăn bơngai.

VOV4.Bahnar – Dôm ƀai hơri ưh hơdrô̆ tơrĕk kơjăp hăm tơdrong tơchơ̆t mă oei đei lơ tơdra hơri hăm tơdrong hơ-'nguơ̆u kơ sơnong jang đơ̆ng Kuôk hô̆i păng Jơnŭm pơgơ̆r kon pơlei lơ̆m tơdrong jang tơ-iung pơjing Jơnŭm pơgơ̆r teh đak kiơ̆ tơchơ̆t xah hô̆i chu nghia kơ Kon pơlei, kơyuơ Kon pơlei pơm tơm, pơm jang yuơ kơ Kon pơlei.

VOV4.Bahnar – Brông tơnơ̆m hơbôn 'lơ̆ng, ki pah jĭ minh tơmam pơtih ăn joh ayŏ kăp gĭt mă bơngai Êđê tơ̆ Tây Nguyên 'măn chă pơma dơnuh hăm yang hơpang păng pơgơ̆r dôm tơdrong soi tơbeh kăp gĭt hloh. Ưh kơ đei rơ-ông rơ-ang nhen tơdra chĭng chêng, ưh kơ đei vơch nhen tơdra đing hlôm, tơmam pơre nơ̆r ki pah đei tơdra brông, tơnơ̆m 'nhăk ba hơyuh kơ plenh teh, tơm 'long păng kial kơ cham char bri kơdrơ̆ng.

VOV4.Bahnar – Ah mă đak 'mi blŭng pơyan pơtơm tuh, jing tơdra kơnăl vă kon pơlei Tây Nguyên hơmet năm tơ̆ bri, năm tơ̆ mir chă pơmou ja. 'Nou jĭ tơmam xa 'lơ̆ng kăp gĭt minh sơnăm đei minh 'măng đĕch kơ kon pơlei tơring teh gôh bazan.

VOV4.Bahnar – Tơdrong jang man lơ̆n kơ bơngai Bahnar Jơlâng tơ̆ xah Đak T're, apŭng Kon Braih, dêh char Kon Tum đei đơ̆ng đunh bơih, jơhnơr ou pơdjoi kơ jơhnơr đơ̆ng rŏng. Lơ̆n kơ bơngai Bahnar lăng noh ƀônh đĕch, đei đak kơ-ang găm kơnhă 'lơ̆ng păng ƀenh kơ gru gra joh ayŏ kră sơ̆.

VOV4.Bahnar – Pă đei ƀônh ƀŏ jĭ dok pơrŏ lơ̆m hơbăn ao tanh juăt jue 'măn hrŭk lơ̆m tơdrong akŏm et xa, che tanh tơ̆ Tây Nguyên hrei ou đei ƀôh lơ lơ̆m tơdrong pơdah hơbăn ao hrŭk 'lơ̆ng, jing che kăp gĭt lơ̆m tơdrong kăt sĭt hơbăn ao 'nao dah mă hơbăn ao hrŭk rim năr. Đơ̆ng ou, che tanh đei hơyak 'nao pơm tơplih trong tơbang vă tơƀôh tơdrong gơh “hơrih” atŭm hăm chăl hrei.