Akŏm iŏk đei đơ̆ng tơmang lăng lơ̆m 3 khei đei dang 8.700 ti hlak jên, tŏk 17% pơting hăm khei ‘nâu sơnăm hơdrol. Hơdrô̆ lơ̆m khei 3, kơsô̆ tơmoi păng kon jên iŏk đei vă jê̆ 1 puăt hăm hloh 2 triệu ‘nu păng iŏk đei vă jê̆ 4.000 ti hlak jên. Tơdrong hơiă kăl kơ lăng truh ‘noh jĭ Giĕng lêh pơgơ̆r pơih blŭng Sơnăm Tơmang lăng teh đak kơ Gia Lai 2026 pơgơ̆r đơ̆ng ‘năr 23 truh ‘năr 30 khei 3 hăm lơ tơdrong jang nhen Hop akŏm Tơmang lăng Gia Lai 2026, Hop akŏm pơtrŭt tơmơ̆t jên jang păng sơng duk tơmang lăng apŭng plĕnh teh dơ̆ng tơ̆ tơnŏk Quy Nhơn. 

Lơ̆m jăl khei mă II sơnăm 2026, dêh char Gia Lai hơnơ̆ng tŭn pran pơtrŭt tơmang lăng hăm lơ tơdrong jang nhen: Năr Joh ayŏ kơ dôm hơdrĕch kon kông dêh char ‘măng mă V; Tơdrong pơlong tơplŏng kơdâu kơ dôm hơdrĕch kon kông; Lêh Tơmang lăng pơyan pơdơh hŏk “Gia Lai – Hơnih truh chơt hơiă”; kŭm hăm dôm tơdrong jang roi tơƀôh hơnih truh tơ̆ teh đak đe păng tơmam ‘lơ̆ng hơdrô̆ nhen “Tôn chĭng chêng hơtuch giĕng - Lăng, mơ̆ng păng Vă kơbăt”. ‘Moi kiơ̆ pơgơ̆r dôm tơdrong jang âu, dêh char Gia Lai ‘meh vă pơm 1 hơnih truh hơiă hăm tơmoi lơ̆m teh đak păng apŭng plĕnh teh.