‘Măng pơlong Tŏk kông Tà Cú sơnăm 2026 hơvơn đei vă jê̆ 400 ‘nu bơngai drŏ nglo drŏ kăn găh 37 khul lơm dêh char păng rim dêh char nhen: Pơlei tơm HCM, Gia Lai, Đồng Nai,… Rim bơngai pơlong vang pơjei tơ̆ 2 jăl trong hơtăih: 6.300m (kơdou 4.000m păng tŏk kông 2.300m) ‘măn ăn drŏ nglo; 5.300m (kơdou 3.000m păng tŏk kông 2.300m) ‘măn ăn đe drŏ kăn. Ƀok Huỳnh Ngọc Tâm, Kơ iĕng Kơdră chĕp pơgơ̆r Hơnih vei lăng Joh ayŏ kơdŏ soang, Đă ƀŏng lŏng tơplŏng kơdou păng Tơmang pơhiơ̆ dêh char Lâm Đồng tơbăt: ‘Măng pơlong Tŏk kông Tà Cú ưh khan lăp tơgop pơm hơtŏk pơhrăm jơhngơ̆m jăn kon pơlei, mă oei jing jơ ‘năr vă lăng hơlen, rơih dôm bơngai pơlong, hơmet ăn rim ‘măng pơlong lơ̆m teh đak khei năr ou kơnh.