‘Măng pơdă ming tơƀôh 180 tŏ rup đơ̆ng 131 ‘nu bơngai phĭn jơ̆p lơ̆m teh đak, tơƀôh tơdrong hơiă đơ̆ng tơdrong hơrih, joh ayŏ kơdŏ xoang păng tơdrong joăt oei sa kơ 54 hơdrĕch hơdrŭng Việt Nam. Rim um rup đei phĭn tơ̆ lơ tơring jơ̆p lơ̆m teh đak, phĭn iŏk tơdrong ‘lơ̆ng lơ̆m tơdrong hơrih sa, bơ̆jang, soi tơbeh păng hơbăn ao so sơ̆ kơ rim hơdrĕch hơdrŭng.

Kiơ̆ yă Trần Thị Thu Đông, Kơdră vei lăng Khŭl phĭn rup Việt Nam, ‘măng pơdă âu jĭ tơdrong iŏk đei đơ̆ng tơdrong pơgơ̆r chă rơih hơlen jơ̆p lơ̆m teh đak, đei rơih iŏk đơ̆ng hlŏh 4.000 tŏ um rup vang pơlong. ‘Nâu ưh khan lăp tơdrong jang găh joh ayŏ đĕch mă oei vang tơgop roi tơƀôh um rup teh đak, kon bơngai Việt Nam truh hăm kon pơlei păng tơmoi chă tơmang lăng. Kiơ̆ đơ̆ng um rup âu, khŭl pơgơ̆r hơmĕng gô tưk tơiung tơdrong hưch hanh găh joh ayŏ kơdŏ xoang, hơtŏk đon hlôh vao chĕp vei păng tưk tơiung tơdrong juăt ‘lơ̆ng đơ̆ng rim hơdrĕch hơdrŭng lơ̆m tơdrong hơrih sa chăl hle. ‘Măng pơdă tơƀôh vă pơgơ̆r truh đĭ ‘năr 6/4 truh âu kơnh.